أمس يا ليل وياهم ... مشوا واليوم انعاهم
أخوتي ما دروا بيه ... ونه للشام مسبيه
******************************
يليل إهدعش ما تدري ... شنهو الصار بالعاشر
لو عندك علم متظل ... تغيب ولا يجي باجـــــــر
تحملت بكَلب مهضوم ... ظل بهالعمر صابــــــر
آنه أم الحزن زينب ... أسولف من كَلب شاجر
ردت يا ليل تسمعني ... وبعد جم جرح يفجعني
مهي الساعات مكَظيه ... ونه للشام مسبيه
******************************
أمس وياي أخوي حسين ... محلات الشمل ملتم
أحاجيه ويحاجيني ... وأخويه لكل جرح بلســـم
إخذ حتى النسيم الهاب ... يفخر بالسبط لو شم
ما جانت على بالي ... أشوفه إموذر إمخــــذم
بنهار العاشر بيا حال ... راسه اعله الرمح ينشال
بدر عمري إنطفه ضيه ... ونه للشام مسبيه
******************************
أمس يا ليل والوفاي ... أبــد ما عفــــت تفكيره
وآنه إمدللة عباس ... وتعـــرف منهو أبو الغيره
عفته اعله النهر مرمي ... حيره بس صدكَ حيره
جفوفه إمكَطعه والعين ... طفت وبروحي تأثيره
يريته الليله ويايه ... وأشوف بجفه الرايه
أودعه جثه مرميه... ونه للشام مسبيه
******************************
خواني ونظر عيناي ... عتب ما عندي وياهم
شبديهم عالأمر لو حان ... أمر الله وتعناهـــم
حمدت الباري بمصابي ... بيه اجروح خلاهم
لجن يا ليل أنه إتمنيت ... أموتن كَبل ممشاهم
كَبلهم لو خلص عمري ... ياهو اليوصل الخدري
العمر شنهي تواليه... ونه للشام مسبيه
******************************
يليل إوياك عندي اعتاب ... إذا فجر بنهارك طر
الحرم مستوره بجناحك ... وكَبلك ربك اليستــر
أريد إنجومك يردن ... سلامي ولأخوتي يعبـــر
ويكَولن للبقوا عالكَاع ... أختكم مر عليهه الضر
نجومك تحمل الالام ... تكَلهم ماشيه للشام
وصيه وآنه معنيه ... ونه للشام مسبيه
******************************
ليست هناك تعليقات:
إرسال تعليق