طفله اتريد ابوهه *** ابراسـه فاجئوهه
مظلومه رقيه
مظلومه رقيه
ــــــــــــــــــــــــــــــــــــــــــــــــــ ـــــــــــــــــــــــــــــــــ
طفله حَنت واليحن . اتنادي وبصوت الحزن . انه اريد اليوم ابويه حسين والله
يدري مشـــتاگه اله . ابكـل دقيـــه اتـــأمله . مستحيل اترك حنانه وگلبي ينساه
بيه يعلم والــــدي . نار بـــعده تبــتدي . لو رحل مابيه احـــمل جـــمر فرگــاه
صار فتره مبتعد . يـــرد مدري مـايرد . الروح ماتحمل افراگــه وهظـم بلواه
والگوم ما رعوهه *** ابراسـه فاجئــوهه
مظلومه رقيه
مظلومه رقيه
ــــــــــــــــــــــــــــــــــــــــــــــــــ ـــــــــــــــــــــــــــــــــ
اتنادي زينب عمتي . عَمه ذابت مهجتي . صبر مابيــه واصابر والله مليت
راح اموت امن الوجد . قوه ما املك بعد . ابفگـده ياعمه تراني والله حسيت
وين هاجر والدي . ارد اگـــله معـــتدي . الشمر يابويه ظربني ومنه ونـَيت
ودي اشكي بلوتي . ايشوف حتى حالتي . بلكي ياخذني الغيابه اشگد تمنيت
بالموت خيروهه *** ابراسـه فاجئوهه
مظلومه رقيه
مظلومه رقيه
ــــــــــــــــــــــــــــــــــــــــــــــــــ ـــــــــــــــــــــــــــــــــ
للخرابه من مشــت . اطفال هيـــه شاهـــدت . كل طفل يتلكه ابوه وبيده حاجه
وهيه تنظر عالدرب . بلكي يلفي امن الغرب . اتصيح ياعمه ابويه لسه ماجه
گـــلبي لامايحتمل . وانتي تــــدرين الــــطفل . الوالي لو عنه تأخر ربه ناجه
بلكي حن الطفلــته . خل اناطر جيــــته . ابدنيتي ما عندي غيره وانه احتاجه
بي لمن اجوهه *** ابراسـه فاجئوهه
مظلومه رقيه
مظلومه رقيه
ــــــــــــــــــــــــــــــــــــــــــــــــــ ـــــــــــــــــــــــــــــــــ
ابحظن عمتهه غفت . علـى هالحاله صفت . بعد مــــا وَنت وناحت من حزنهه
لن ابوهه بالحــــلم . مــو حلم چــنه علـــم . اتگله بويه انه رقيه التحچي عنهه
حالي بعدك مايسر . هسه بنــــتك باليسر . بيــــك كل لحظه المـــأسي هددنهه
اوياك اخذني الهالهجر . بعد مابيه انتظر . منو من بعدك الروحي يخف ونهه
ازغيره وألموهه *** ابراسـه فاجئوهه
مظلومه رقيه
مظلومه رقيه
ــــــــــــــــــــــــــــــــــــــــــــــــــ ـــــــــــــــــــــــــــــــــ
فـَـزت ابهم وفــزع . واضح اعليها الجزع . اتگول ابوي حسين انه هسه اريده
زينب الهه اتحيرت . العلي الســجاد انظرت . اتگلها ياعمه تره انتي مو وحيده
النوح منهم ارتفع . الطاغي بالحــــاله سمع . گال راس حسين ابوهه الهه نعيده
راس ابوهه شـــافته . ناحت ومن شبكـــته . وَنت وسكتت عليه وَنــه شــــديده
ميَــته وكلـموهه *** ابراسـه فاجئوهه
مظلومه رقيه
مظلومه رقيه
ــــــــــــــــــــــــــــــــــــــــــــــــــ ـــــــــــــــــــــــــــــــــ
تمت والحمد لله في 9\12\2012
خادم الحسين حيدر تركي الكربلائي
ليست هناك تعليقات:
إرسال تعليق