إقـصـدونـي إقـصـدوني...أنا المسموم إقصدوني
ثـلـث حـاجـات أقضيها...وعد ياللي تزوروني
إبـن مـوسـه الـرضه إينادي إمام و صوته سمعنه
يـقـول الـزارنـي إبـغـربـه أنـا ابقبره أزورنه
ثـلـث حـاجات أقضي له و إخذ هذا الوعد منه
كـلـمـن زارنـي مـهموم أكشف كل حزن عنه
تـواسـونـي تواسوني... أنا إبغربه تواسوني تواسوني
ذنـوب الـعـدكـم أمـحيها...وعد ياللي تزوروني
مـن عـنـدك يـبـو مـحمد بأول حاجتي أبدي
أريـدك سـاعـة الـوحشه أشاهد نورك إبلحدي
يـوم الـتـرحـل الأحـباب عني و انترك وحدي
مـا تـنـعـد إلـيه ذنوب شذكر جم ذنب عندي
على إجفوني على إجفوني ... دمع حبكم على إجفوني
يـمـن وعـدك يـجـازيـها...وعد ياللي تزوروني
و ثـانـي حـاجـتـي عندك و أدري بيها مقضيه
أظـل خـادم لـبـو الـسـجاد ما دام النفس بيه
كـرامـه و مـفـخـره و هيبه هالخدمه الحسينيه
ربـونـي هـلـي ابـحـبكم هواكم حاكم اعليه
يـدرسـونـي يـدرسوني... هلي ابحبكم يدرسوني
و إجـيـتـك و انت حاجيها...وعد ياللي تزوروني
و ثـالـث حـاجـه أطلبها إجيت و دمعي يتجاره
أريـدن طـلـعـت الـمـهدي يعجل ياخذ إبثاره
نـروح إويـاه نـشوف الباب و نسأل وين مسماره
نـار الـبـاب مـا تـطـفـه يبو محمد تظن ناره
تـشـوفـونـي تـشوفوني... أنا إوياكم تشوفوني
دمـوعـي إويـاكـم أجريها...وعد ياللي تزوروني
تـعـال إويـانـه يا سلطان تعال إبدمعه ما تنشف
نـسـتـقـبل حرم و أيتام إجت من اليسر للطف
مـلايـين البشر حضرت إجت من كل كتر تزحف
إجـت يـوم أربـعـين حسين يم زينب علمهم رف
إسـمـعـونـي إسـمعوني ... ينادي حسين إسمعوني
عـهـد زواري أحـمـيـها...وعد ياللي تزوروني
ليست هناك تعليقات:
إرسال تعليق