العقيلة شاهدت هالمصيبة بكربلا
خد رقية على الترب والمدامع سايلة
**
عتب زينب والالم رفرف على المشرعة
خد رقيه بيا ذنب مترف على الفاجعه
خد يقبله بن الوصي جف اليم يوجعه
خد مثل وجه الكمر صار وردة ذابله
**
الطفل حصته الفرح يبتعد عن كل صعب
عمه ليش تلوعت وانجوي بنار الحرب
بطفوف اتيمت طفلة مكسورة كلب
اغرك ببحر الحزن وانا جنت مدلله
**
تكلها ياعمه شبعد غمضت عيون الوفه
عمي طاح على النهر بدر كامل وانطفه
جودة يمه والعلم يشتكن للمصطفه
بي الف جرح وجرح جسم ابن عقد الوله
**
حكي ياعمه من اون بالكلب مية جرح
شفت دم احمر نزل من جفن شمس الصبح
لان عبدالله ارتمه بنبلة الشر منذبج
واسمعت جيش العدو حيو ضربة حرملة
**
وحك بيت الله وبعد وحك من طاف وسعى
مايمل كلبي الحزن لمن روحي تودعه
علي الاكبر من وكع صدع كلبي بمصرعة
نايبة تجر نايبة والفرج شح مهمله
**
انا مو كد اليتم لايريحة فاطمه
ريت اموت بكربلا لو يعل جفني العمه
ولا اصد لوالدي جثه غاطيهه الدمه
وراسه دامي على الرمح يحمي ظعن القافله
**
للاستماع اضغط هنا
http://www.youtube.com/watch?v=_wNqlg2u0GY
ليست هناك تعليقات:
إرسال تعليق