بمصابك يا كريم أهل الكرم والجود
حزن الشيعتك مد الدهر موجـــــود
***
حزنه بمصرعك عالنــــاس ما يخفه
يوصل للبقيع وشايـــــل اللهفـــــــــه
صعب ما ينوصف يبن الولي وصفه
شيظل بالصبر والصبر ماله احدود
***
شيعوض الصبر عن محنة امصابك
كل روح التودك تعرف اسبابـــــــك
توصل للبقيــــــــــــع تقبــّل اترابك
وكل كَلب اليذكرك بالألم ممرود
***
كل كَلب بمصابك تستعر نـــــــاره
حزنك يالسبط معلومه آثــــــــــاره
بس قبرك حزينه ومؤلمه أخباره
ضريحك ما نشوفه شما نرد ونعود
***
ضريحك بالكَلب منصوب والمرقد
ونطوفه بكل مسه لأعتابه نتوسد
نطوف بمدمع الأحــــــزان نتودد
كل لحظه امصيبه بهمّ أثرهه تزود
***
وحق ضلع أمك وطبرة أبوك الحيد
كل ساعة الحزن بالروح يبقه ايزيد
شيفيد الدمع يا سيدي شيفيــــــــــد
فوضنه الأمر للخالق المحمود
***
اشما كَبرك بعيد المحنه ويانـــــه
تظل بارواحنه وما لحظه تنسانه
كل عاشكَ يندبك حزن وجدانـــه
ودموع بمصابك يالكريم اشهود
***
كريم أهل العلى يا قبلة الأحـــــــرار
يا سبط الرسول وطبع حامي الجار
نظل انصار الك طول العمر انصــار
لابد هالزمن للثار بينه يعود
***
ثارك يالحسن يبقى بنواظرنــــــه
صورة من الحزن ترجع تذكرنــه
صبرك عالمحن هوه اليصبرنــه
ونرد بهالمآسي بكل زمان اردود
***
نرد اردود ونجدد عهد ويــــــاك
نظل طول العمر يبن الولي ننعاك
محال الي يحبك سيدي ينســـــاك
يالصبرك صبر للناس ظل مشهود
***
ليست هناك تعليقات:
إرسال تعليق