ياخويه يسروني****للشام ودوني _للشاعرابـوفـزع الحلفي

ياعباس انته الكلت بحـمـايتي
ياعباس ليش اتركتني بغربتي
ياخويه يسروني****للشام ودوني
ياعباس ياعباس
@@@@@
عـفـتوني وحدي بكربله والدمعه هماله
مـحـتاره بيتام وحــرم والفـركـه جـتاله
وحسين طايح عـالثره ومحـتاره بعـياله
بسياط يجلدنه الشمر من يرضه هالحاله
ياعـباس عكبك جبيره لـوعـتي
ياعباس بالكلب زادت حصرتي
ياخويه حاجيني****عدمن مخليني
ياعباس ياعباس
@@@@@
تــرضه يـخـويه مـكـيـده والشمــر سابـيني
مــن بـعـد عينك يالكـمـر منهـو الـيـباريـني
بسهـامـه صـوبـني الــدهــر يـاخويه واليني
وحسين راسه اعله الرمح بصوابه جاويني
ياعباس ترضه يخويه بحالتي
ياعـباس ضاكت عـليه دنـيـتي
ياخويه عذبوني****بسياط ضربوني
ياعباس ياعباس
@@@@@
كونك تجي وشوف حالي من غبت عني
ذوبلت عـيني مـن البواجي ومابطل وني
والـكـلب بيـه مـية جــرح والـدهر دولبني
كـل مـا اضـمـدلـي جــرح الثاني يـلـجـمـني
ياعباس منهو اليواسي وحشتي
يـاعـباس منهـو الينشف دمعـتي
ياخويه شتموني****بحسين هظموني
ياعباس ياعباس
@@@@@
انه اختك انه ام الخدر حاجيني يالوالي
موحشه بعدك دنيتي شوف الي يجرالي
بسهـام صوبـني الـدهـر صـوبلي دلاالـي
ريـتـك تجيني يالكـمـر وشكيلك احــوالــي
ياعباس كربت يـخـويه ساعـتي
ياعباس والدمعه صارت سلوتي
ياخويه ردوني****محتاره تدروني
ياعباس ياعباس
@@@@@