ماشفت مظلومة مثل زينب
ياهو اليصدك عالهزل زينب
شافت هظم ما ينحمل زينب
**
يازمن هذي العقيله وتعرفها وبشرفها انته تدري
تصعد بناكة هزيلة يا وضعها دم دمعها جان يجري
تصيح ياهو الاشتكيلة شلون يقبل حامي خدري
صاحت يالحادي مرني على النهر صاحت
عباس ما عندة خبر صاحت
كلة انسبت يابالفضل زينب
**
بهيبة طلعت من وطنها ويه اخوها ابن ابوها كله غيرة
يسئل بكل خطوة عنها والكفلها ينظرلها عن بصيرة
حكها لو عاشرت هونها والنجيبة تضل غريبة بلا عشيرة
شامت بالحومه مرها ونيته شامت
يجرحها جانت غايته شامت
ما نشف مدمعها اليهل زينب
**
هذا المسلب تشوفة على الغبرة انكطع نحرة يجري دمه
وذاك المكطعه جفوفه ياصبرها كل نظرها اندار يمه
والي ما كدرت تعوفه يمه راحت خويه صاحت يبواليمه
عنك يحسين مشوني غصب عنك
كل ساعة ينشدني الكلب عنك
وشلون من عندك تمل زينب
**
راحت وعافت كلبها بين حسرة وبين عبرة على النشامه
وين ماتدري دربها والارامل والعواذل والملامة
ياهو الي ينفذ طلبها بغيبة العم منهو يهتم باليتامه
خافت بالدرب يفجعها الدهر خافت
يمشون والنوك تعثر خافت
تحتار لو يوكع طفل زينب
**
طفلة من اطفال اخوها حين طاحت عمه صاحت ياحزينه
لو مشوا عنها ونسوها منين تسأل حتى توصل للمدينه
تشوف راس حسين ابوها بالهظيمه عاليتيمه يدير عينه
بوية صاحت اخذني مروتك انا اليتيمه طفلتك تنخاك مجتوفه بحبل زينب
**
دخلت لقصر الامارة يا حزنها زاد ونها من هضمهه
بيت ابوها حامي جارة الجان عالي لنه خالي زاد المها
تسمع الطاغي بجسارة وياها يحجي وهيه تبجي من شتمها
حيدر اول وصي وليث الحرب حيدر
تالي بن مرجانه يسب حيدر
كل رادته رايد يذل زينب
**
عالهزل للشام وصلت ريت حاضر وبنواظر تصد ليها
زينب على يزيد دخلت والوسافة من تشافة بسب وليها
والمدامع جمر هملت من سألها هن اهلها شتم بيها
وينك صاحت يعباس الشهم وينك
هاي اختك بين الزلم وينك
عن الكافلها تنسأل زينب
**
ليست هناك تعليقات:
إرسال تعليق