حسيناً وا حسينا وا حسينا وا حسينا
_________________
مالي وبنيني دمعة حنيني كلشي الي بهالعمر
فدوة لترابك يالي بغيابك عشت الدهر انتظر
لو يجري دمهم اولادي وامهم منذورة لجلك نذر
لو افدي عمري من حكك ادري ما وفي حتى العشر
____________________
بدمعي الاهله لعباس اكله لو تنزف من الدمه
لو جبدك بحر ذاب وتفطر لا ترتوي من الظمة
ضحي بدمائك بس بسمائك خل رايتك سالمة
خالتوكع ايدك فدوة لعضيدك اجرك على فاطمة
___________________
عباس اعرفك مشهودة جفك بالعزة والمفخرة
بهاي المراجل ها يابوفاضل تشهدلك القنطرة
اسمع وصيتي وارفعلي صيتي بالدنيا والاخرة
خالتعمه عينك لكن حسينك لا ينكطع خنصرة
_________________
قتلة بحياتي كل امنياتي تخدم بنات النبي
بالروح وبالدم يوليدي ازهد زين استمع مطلبي
عباس اريدك ترخص وريدك بس سكنه لا تنسبي
تصبح غريبة توكف خطيبة بنص مجلس الاجنبي
_________________
احمي الوديعة بجف الكطيعه تحميهه يابالفضل
زينب امانه درة ومصانه وبذمتك تنكفل
عكبك هظيمة هاي العظيمة تمشي على نوك الهزل
من الغاضرية تطلع سبيه وبجفها طوك الحبل
________________
للاستماع اضغط هنا
ليست هناك تعليقات:
إرسال تعليق