مني كل قطرة دمه متفايضه على مصاب حسين تنزل موعظة
من حياتي الحسين حد مماتي الحسين
________________
يسكت لساني ويظل يحجي الدمع
والظماير والقلوب التستمع
ليش نحر حسين بالطف منكطع
والضلوع ليا قضيه مرضرضة
___________
مني مو بس دمعة تجري بعاطفة
هاي دمعة تحير اهل الفلسفة
قبلي شرعها الرسول المصطفى
فاطمة البيها مشت والمرتضى
__________
شلون ما اجري المدامع من دمه
والمجالس بيها تحضر فاطمة
تصيح اه يبني الفطر قلبه الدمه
اه يالبيك السهم الاكبر مضة
________
صوت جفي عالصدر وكت اللطم
يعني صرخة رفض في وجه الظلم
حسين راد الدين ماراد الحكم
لعنة الله على الاصوات المغرضة
______
انت لو تفتهم
جان عن الشيعة بطلت الحجي
الدين طاح وكال لحسين اتجي
مدله جف عباس اخوه وانهضة
_________
النوح ثورة قائمة وهذا النعي
ينفض بيه الدعي وابن الدعي
ليش خايف من ونيني ومدمعي
ليش حربك شانها على الرافضة
_________
دمعتي ترسم حزن لال النبي
عطش وخيام وذبح نار وسبي
دمعتي تفضح يزيد الناصبي
كل خليفه بحكم ربه ما رضة
__________
للقيامة حسين بيه جمرته
محور لكل الوجود بطيبته
الحمدلله شرفاني بخدمته
كظة عمري ودمع عيني ماكظة
_______________
للاستماع اضغط هنا
ليست هناك تعليقات:
إرسال تعليق