هاي زينب ردت لخوانها لكربلا وعادت عليها احزانها
من بعيد تصيح ها يابا لفضل كوم وتلقة خواتك عالهزل
______________
زينب من الشام ردت للطفوف من الغرب عباس يا عباس
والغريب وجان مسبي يلاكي اهله بيا قلب عباس يا عباس
قبور خوان العقيلة شلون تندلهم صعب عباس يا عباس
من اثر دمعتهه زينب كامت تعرف الدرب عباس يا عباس
نيشنت درب السبي بدمعاتهه بكل كتر تلكة اثر عبراتهه
اندلت دروب السبي الما تنحمل كوم وتلكة خواتك عالهزل
______________________
تصيح وين اخوان زينب كوموا شوفو غربتي عباس يا عباس
خله ابوغاضل يجيني وكون شايل رايتي عباس ياعباس
بلكت الراية انظرلها واحس رجعت هيبتي عباس يا عباس
غير جفين الكفالة يا هو يمسح دمعتي عباس يا عباس
عالنهر زينب تدير عيونها تريد اخوها الدك صدر لضعونها
تصيح وين البيه زينب تنكفل كوم وتلكة خواتك عالهزل
________________
تكلة جيتك يابوفاضل لا كفاله ولا دلال عباس يا عباس
وين جنتي لا تكلي تجوي قلبي بهالسؤال عباس يا عباس
تريد تعرف وين جنه عاين متوني تعال عباس يا عباس
لاتناشدني على خدري طولي بين والخيال عباس يا عباس
قبل زينب ماكو عين تشوفها من طحت اختك سترها جفوفها
اشاف طولي خلافك وشفت الحبل كوم وتلكة خواتك عالهزل
___________________
للاستماع اضغط هنا
ليست هناك تعليقات:
إرسال تعليق