الوداع .. يا ابا عبد الله
الوداع .. يابا عبد الله
٭٭٭٭٭٭٭٭٭٭
ودعتني .. يتمتني .. سلمتنـــــــــــي للمحن
يا اخويه .. ويا ابويه .. وياضلـــع ام الحسن
كل شموع الخوه بعدك .. يافؤادي ينطفـــــن
ياوطن روحي الغريبه .. منين الي بعدك وطن
الوداع .. يا ابا عبد الله
الوداع .. يابا عبد الله
٭٭٭٭٭٭٭٭٭٭
انا زينب يافؤادي .. جـيت انادي .. ياعلي
وياضلع امي الزجــيه .. بيارزيه .. مبتلـي
باجر العصر الحوافر.. بيش اكابر.. ياولي
طعنة البسمار تدي .. هذا حــدي .. ياهلي
الـــــــوداع .. يابا عبد الله
الوداع .. يابا عــــــــبد الله
٭٭٭٭٭٭٭٭٭٭
باجر ومن خوف باجر .. جفني حاير .. بالدمع
ولو علي الاكبر تركني .. مايظل عنـــدي ضلع
لحنة العريس دمعي .. وكَد جفــــــــــوني شمع
ولجفيلي يادليلي .. بيا مصــــــــــايب تنصدع
الوداع .. يابا عبد الله
الوداع .. يابا عبد الله
٭٭٭٭٭٭٭٭٭٭
باجر العباس يرحل .. عني .. خويه شحتمل
من تناشدني رقيه .. عمــــه ويـن ابو الفضل
بيش اصبر لليتامه .. وكل كَلــــب طفله وطفل
جمره من العطش تلهب .. واخو زينب ينجتل
الوداع .. يابا عبد الله
الوداع .. يايا عبد الله
٭٭٭٭٭٭٭٭٭٭
خويه بمتون الشريعه .. ينكسر ظهر الصبر
ولو هوت جفه كَطيعه .. مايظـــل عندي خدر
من سهم باجر انادي .. اسم الله ياعــــين البدر
عمري وي عمره يوالي .. امشي بعده ليا يسر
الوداع .. يا اباعبد الله
الوداع .. يابا عبد الله
٭٭٭٭٭٭٭٭٭٭
ايا يحمزه ايا جعفر .. ايبويه حــــــــــــــــــيدره
شيبقى عندي من اشوفك .. ياحــبيبي اعله الثره
بيا كَلب اسمع يوالي .. حــــــــسين حزّو منحره
شلون اعوفك جسد دامي .. وامشي خويه ميسره
الوداع .. يابا عبد الله
ليست هناك تعليقات:
إرسال تعليق