اربعة انطيتك ترد ياريتك
نوح وحسرة يبن الزهرة
ترد ياريتك
____________
من رحت يبن المصطفى وداعك فطر دلالي
جنت اطلب من الله العمر حتى اخدمك يالوالي
ودعت وياك الكلب ودعت حتى امالي
وتدري انت لو راح الامل انتظركون اجالي
وهاي المصيبة بداري وغريبة
بصدري الجمرة ترد ياريتك
________________
يا لوعة اكثر يالولي من فركتك اخفيها
قصتي صفت نوح ودمع لكن منو اليرويها
حسراتي تدوي بكل وقت وغيرك فلا يحصيها
ياريت روحك تنفدي بروحي جنت افديها
فدوة لك روحي وتبرد جروحي
منك نظرة يبن الزهرة
__________
يا شمس داري ودنيتي يا سند بيتي وظهري
عكبك شسوي بالعمر يالبيك اعدد عمري
وياك اخذت العايلة ظلت دمعتي تجري
تصور يبن خير العمل بعدك اظل وي دهري
ودهري متانيني بهظمة يسليني
وتعرف بامرة يبن الزهرة
__________
يا كمر ليلي من يجن يا نور كل سنيني
بعدك وحيدة بلا اهل ضيفي يصير ونيني
ماخذت انت العايلة ماخذ ترة صبّي عيني
راح ابقى بهموم القدر وادري القدر يوليني
وانتظر يومي بدمعي وهمومي
من هالسفرة يبن الزهرة
___________
هاليلة مطلوبة الدمع ودموعي كون اجريها
ام البنين الاربعه الفكدت عزيز عليها
وين اليجي يقدم الدمع يواسيهه ويسليهه
توكف اله وكت المحن والحاجته تقضيهه
ام كمر هاشم حامي الفواطم
ام للفقرة يبن الزهرة
_____________
يا من وفيتي بكل عهد وحفظ العهد من شانج
قدمتي اغلى من الذهب اربع بدور اعوانج
ها ما وفة وياج الدهر ها ما رحم بيج وخانج
اسئل من الله الاجر وهوة اليواسي احزانج
_________________
للاستماع اضغط هنا
ليست هناك تعليقات:
إرسال تعليق