وَدْعوني الأخوَه إبهل ليله_جابر النجفي

وَدْعوني الأخوَه إبهل ليله
ــــــــــــــــــــــــــــــــــــــــــــــــــ ــ
وَدْعوني الأخوَه إو وَصــّوني == وإنحبســـــت دمعات إعيوني
بالهم ما ريد إيشوفوني == زينب آني أكفل هالعيله
ــــــــ
زينب آني إختك يحسيني == أطفالك والعيله إبعينـــــــي
واجب هذا إو لــَتــْوَصـّيني == ياويل الظالم ياويلـــــــــــه
ـــــ
ياويل الظالم وأزلامـــه == لازم أفضح كـُل أحلامه
مذموم إو عايف إسلامــــــه == باچــر ينشر شرّه إو خيله
ــــ
باچــر ما يبگون أخواني == وأصبر ما يضعف إيماني
مكتوب إعلينه إو ربـّاني == يجري إو لايمكن تحويله
ــــ
يجري إعليــّه إو لازم أصبـُر == شر من كل مجرم مـُتـْجـَبـُر
الله الحافــــــــظ لازم أعبــُر == إوصـل للعز آني أمشيله
ـــــ
أوصل للعز آني إبعزمي == زينب آني إو أشبه أمـّي
عزة حيدر تجري إبــْدَمـّـــي == ما خلـــّي الشر ينضح سيله
ــــــ
ما خلــّي الشر ينجح آني == آنــــي إلسان إلحگ عنواني
منطق حيدرنه الخـــَلاّنـــــي == أفضح كل شر وأهدم حيله
ــــــ
أفضح كـُل شر وأمحي إسمومه == وأصبــــــــــح راية عز معلومه
لحسين إو روحه المهمومه == آني الروح إو دَمـّي أفديله
ــــــــــــــــــــــــــــــــــــــــــــــــــ ـــــــــــــــــ
مع تحيات شاعر أهل البيت / جابر النجفي
إسمعوا القصيده على هذا الرابط
http://www.alshiaclubs.net/upload/do.php?id=5232