السبت، 16 نوفمبر 2013

امك اجيتك_باسم الكربلائي1435

امك اجيتك  يبني شلقيتك ثالث مسية  
دفنك احضرة وبكلبي جمرة انا الزجية
___________
يوليدي جيت لكربلا بهمومي اسعي
ايدي على عيني الي انطفت وايدي على ضلعي
وبطور الام الفاكده دلالي ينعي
ينزل على خدودي جمر يحسين دمعي
لو ماعرفتك لمن وصلتك يصعب عليه
دفنك احضرة وبكلبي جمرة انا الزجية
_________
ماباقي من جسمك كتر سالم لقيته
شميت عطر المصطفى وبلهفة جيته
ولشوفتك مثل الغصن طولي حنيتة
وعليك يحسين الدمع من دم بجيته
يبني لمصيبة جثتك سليبة فوق الوطية
دفنك احضرة وبكلبي جمرة انا الزجية
____________
ناحت ملائكة السمة يبني على وضعك
وياي اجت قبل الدفن رادت تشيعك
صوتك طلع من النحر تندبني اسمعك
وتريد ادور عالارض مكطوع اصبعك
جسمك تكطع من عنده شجمع بثنين اديه
دفنك احضرة وبكلبي جمرة انا الزجية
____________
يوليدي اشم نحرك ردت ولصدري اضمك
ضلوعك شفتهه مكسرة يا وارث امك
يحسين وبقلبي اجتمع همي ويه همك
خضبت راسي بلوعتي من فيض دمك
وابنك اشوفة جسمك يطوفة بالغاضرية
دفنك احضرة وبقلبي جمرة انا الزجيه
_________
لمن شفت شبلك علي قبرك يحفرة
هذا العليل لوحده ومحتارة بامرة
وعليك يوليدي انحنى ومكسور ظهرة
من شافك مكطع وصل ما حمل صبرة
وينادي صوته جا وين اخوته اهل الحميه
دفنك احضرة وبكلبي جمرة انا الزجيه
_______
ناديته يبني يا علي انا الوديعه
والدك كلي بيا كتر طايح رضيعه
دليني يوليدي بعد وين الشريعه
عباس اريد اتعنى لجفوفه الكطيعه
يشهد وفاهم  يكطر دماهم اطيب سجيه
دفنك احضرة وبكلبي جمرة انا الزجيه
_________
للاستماع اضغط هنا

ليست هناك تعليقات:

إرسال تعليق