هاي زينب گوم يا راعي الفخــر
نادِتك من حاط مرقدها الخطــــر
يابو فاضل .. يابو فاضل
1
زينب اتناديك بلســــــــان الدمع
گوم عاين يابو فاضــــل للوضع
گبـُــر فارغ لا بُخــور و لا شمـع
وبين حين وحين صـاروخ انفجر
نادتك من حـاط مرقــــدها الخطـر
يابو فاضل .. يابو فاضل
2
هاي زينب بيهـا مِتربْصه اللئـام
نسل ابو سفيــــان أولاد الحــرام
دزّت الگبرك يبـــو فاضـل سـلام
و ارتجت منك تِشد ليهـا السفـــر
نادتك من حاط مرقدهـا الخطــــر
يابو فاضل .. يابو فاضل
3
هاي زينـب يابـــــو فاضل نادتك
تدري بيهـا الهلـشِـــــدايد رادِتك
أدري تدري وهيه تعــرف حالتك
لچن بيها اردود هلــــــدار الدهـر
نادتك من حاط مرقدها الخطـــــر
يابو فاضل .. يابو فاضل
4
يبو فاضل گـوم شاهِـد محنتـــي
گوم شوف اشلــون دارت دنيتي
منعت الأنذال حتــــــــى ازيارتي
شيعتي ابهلعام ما واحــــد حضر
نادتك من حاط مرقـدها الخطــــر
يابو فاضل .. يابو فاضل
5
يبو فاضل گوم جرّد صـــــارمك
عجب حالي الهلوكت مـــــا ألمك
گوم واركب خوية ظهـرامطهمـك
وفني جيش ايزيد يا فـارس مضر
نادتك من حاط مرقدها الخطـــــر
يابو فاضل .. يابو فاضل
6
گوم يا عبّـاس يا نبـــــــــع اليقين
حاط بيه اليوم جيــــــش المارقين
خويه ادركنـــــــي عليـك ام البنين
السيف و الچفــّين يم شاطي النهـر
نادتك من حــاط مرقـدهـا الخطـــــر
يابو فاضل .. يابو فاضل
زكي الياسري النجفي
يابو فاضل .. يابو فاضل
زكي الياسري النجفي
ليست هناك تعليقات:
إرسال تعليق