بسمك من أنادي ألفظ ألاه
لذلك موحسين أهتف حسيناه
لأنك مصدر ألاه
ندائي واحسيناه
****
عجيبه أحروف أسمك اربعه اشلون = قبلن بعد حرفين
ألف وهاء جمعن حزن هالكون = وختمن أسمك حسين
ألك رهمن وسرهن بيك مكنون = سر حير الكونين
حسيناه من أنادي أرهب اعداي
أسمك حرز شديته أعله يمناي
عمري عشته وياه
ندائي واحسيناه
****
آه ومن يمر ذكرك يمـــولاي = أصيرن شخـص ثاني
أعيش بعالم الطف فاكد الراي= واحس موهذا أني
ضامي تروح وانه اشرب الماي= هذا ألهد كياني
اشوفك عله الرمضه جسد دامي
شلون اتحـــــــــمل وانته أمامي
واويلي وويلاه
ندائي واحسيناه
****
الك مستمر نوحي وتهمل العين = حتى بكبري انعاك
وحتى امن الكبر لوكمت يحسين = لبيك اصرخ اهناك
بحياتي ودمعتي حفرت الخدين = بمماتي شلون انساك
دنيا وأخره ألطم عله الراس
وماأنسه الخدر وجفوف عباس
وكلما أذكر ألواه
ندائي واحسيناه
****
شنسه يامصيبه وكلك أجروح = تنزف ألم وهموم
شنسه المهد لوطفلك المذبوح = لوصدرك المهشوم
لوجسام لمن شفته مطروح = وجهه امخضب ادموم
آه وآه حكي لو أنادي
وليوم الحشر باقي بحدادي
مصابك لأن عشناه
ندائي واحسيناه
****
مثل يومك أبد بالدنيا ماصار = كل ساعاته ألالام
ودعت ألاهل ودعت ألانصار = ومن ودعت ألاخيام
موبس اشتعل دلالك ابنار = أحس اتفطر وهام
سكنه اتصيح بويه أبقى يمنه
هاي الخيل وصلت حد خيمنه
يومك بعد شنساه
ندائي واحسيناه
*****
ألك يحسين يبقى الدمع منذور = وخلي اتلومنه الناس
عدنه صاركل الدهر عاشور = وحك راية العباس
ماننسه أبد ضلعك المكسور = لوتخمد الانفاس
عمرنه كله بس ننعاك يحسين
وماتكطع دمعهه ألك هالعين
غيرك ماهويناه
ندائي واحسيناه
ـــــــــــــــــــــ
ـــ
جبار البطاط
ليست هناك تعليقات:
إرسال تعليق