ابوذيات ليلة الوداع__جابر النجفي

دموعي إبليلة العاشر أهلهـا == حرم وأطفال وإتــْوَدّع أهلها
هاي الليله بالمأتم أهلهـــــــــــا == أواسي فاطمه الزهره الزچيـّه
ـــــ
واسي فاطمه الزهره إو عليها == شـــارك زينب إو إلطـُم عليها
والحسرات هاليله عليــّهــــا == تستاهل نشاركها الهاشميــّه
ـــــ
تستاهل نشاركها إو نجلهـــا == مآتمها نسير إلها نجلها
تفگــد فاطمه باچــر نجلها == يبنيـــــــه المجد بالغاضريـــّه
ـــــ
يبنيه المجد باچــر وريده == عاشگ آنـي مولانه وريده
أبد هيهات ما أنسه وريده == يحضر حيرتي يوم الجزيـــّه
ــــ
يحضر حيرتي مولاي لازم == لأن آنــــي الضريحه دوم لازم
والدرب الصعب أمشيــه لازم == أبد ماعوف درب الغاضريـــّه
ــــــــــــــــــــــــــــــــــــــــــــــــــ ـــــــــــــــــــــــ
مع تحيات شاعر اهل البيت / جابر النجفي
إسمعوا الأبوذيات على هذا الرابط
http://www.wlidk.net/dldeat89027.mp3.html