الأربعاء، 13 نوفمبر 2013

الوداع_علي النجفي


الوداع .. بويه يا حامي الحمه
الوداع .. ضلع امــــــي فاطمه
وين الــــوذ من المدامــع والـــونين
هيه ليله وراح اكَــــــــــلك يا حسين
الوداع .. الوداع
٭٭٭٭٭٭٭٭٭٭
آ يليله من المصايب .. والنوايب .. رَدّت بطبره وضلع
وزينب بخيمه يتيمه .. يا ضليمه .. فطّرت كَلــب الدمع
سكتت الدنيا لحـچيها .. ومن بـچيها .. الرواسي تنصدع
شحال كَلبك ياموالي .. بهالليالي .. ليا ونين وتستمــــع
الوداع .. صيحه من كَلب الخيم
الوداع .. صوت لكـــــن كلّه دم
يا صبر كَلب اختك الينزف حــــــنين
هيّه ليله وراح اكَلك يا حُســــــــــين
الوداااااااع .. الوداااااااع
٭٭٭٭٭٭٭٭٭٭
طلعت الحره بهضمها .. و الالمها .. كل خيمـــــــــها تنتحب
وخطوه چـان حسين عنها .. بس حزنها .. هدّم لحيل الدرب
همّت تنادي يخويه .. ها يبـــــــــــــــــــويه .. آ يسبّاح الكَلب
جيت اودعك خاف تبعد .. لو اوسّــــــــد .. ضلع امي بالترب
فاطمه .. عني باچر راحله
فاطمه .. آه يعملـــة كربله
وين تاخذ كل محــــــنة امي وين
هي ليله وراح اكَلك يا حــــسين
الوداااااع .. الوداااااع
٭٭٭٭٭٭٭٭٭٭
ياعزيز امك انشدك .. وادري ردك .. لكن بكَلبـــــــــي الجمر
راحل بضلع الزجيه .. ليـا منيّـــــــــــــه .. ليا حوافر ياعصر
خويه غدر الباب هَدّه .. بيش اضمده .. الخـيل شتخلّف كسر
والمن انده لو عفتني .. وسيّرتني .. الدنيا بدروب اليــــــسر
امشي وين .. وياك من تاخــذ علي
امشي وين .. اوّين الي بعــدك ولي
كل هلي ويّاك باچــــــر راحلين
هيه ليله وراح اكَلك يا حـــسين
الوداااااع .. الودااااااع
٭٭٭٭٭٭٭٭٭٭
لحظه واتيتّم يوالـــي .. من دلالــي .. من حضــــــن امي البتــــــول
ولو خـــــذت للطبره هامه .. بالســــــلامه .. مايرد فحـــل الفحـــول
اليتم ميعاده باچر .. بيش اكــــــــــــابر .. خــويه علمنــــــي شكَول
من ينشدوني اعله اخوتي .. ايضيع صوتي .. وسكتتي بعدك تطول
الدموع .. تحـچـي لسياط الشمر
الدموع .. تكَله هـــاي ام الخدر
حـچـاية دموعي صفت هي المعين
هي ليله وراح اكَــــــــلك ياحسين
الوداااااع .. الودااااااع
٭٭٭٭٭٭٭٭٭٭
ايبويه ودمعة امي .. هذا همّي .. ومن حنــــــــــــــانك التمس
الصبر .. يبن الوديعه .. بهالفجيعه .. خــــــــل اذكّرك بالامس
چـنت ماترضاهه اليه .. لو عليّه .. تنظــــــــــر عيون الشمس
وين عن عمر العقيله .. يا دخيله .. الياخــــــــــذ وياك النفس
شعندي روح .. من اشــوفك تنذبح
شعندي روح .. وراسك بهام الرمح
وللشمس تبقى يمكَطوع الوتين
هي ليله وراح اكَلك ياحــــسين
الودااااع .. الوداااااع
_________________________________

ليست هناك تعليقات:

إرسال تعليق