دمعي بغيابك سچّاب ---- مشتاگ إلك تدريني
مجروح گلبي بفرگاك -- ويّاك خذني ويّاك
مشتاگ إلك تدريني
***************
يا روحي وحياتي وشمعة سنيني
إجيتك والدمع من دم تصب عيني
صدگ حال الدهر ما بينك وبيني
وبقت جمرة غيابك بيهه يچويني
جمرة تضل للغيّاب---- وسط الگلب تچويني
ما تطفه إلا بملگاك -- وياك خذني وياك
****************
بحروف إسمك يخوية يلهج إلساني
وشمس وجهك تشع كل ليلة بأكواني
ومثل دمي محبتك شال شرياني
ومصحف كل صبح أقراك قرآني
ذبحتهه چف الارهاب ---- آياتك الترويني
وسورة محمد تنخاك-- وياك خذني وياك
*****************
الغصن أزهر يخوية بهالغصن وردك
نمى ويكبر عليه تشرق شمس خدّك
الغصن هذا حياتي لاچن شبعدك
يبس وتكسّر بهاليوم من فگدك
غصني إنكسر بيك إنصاب ---- عگبك منو اليحميني
ميّت أضل بين أعداك -- وياك خذني وياك
****************
أشوفن بيتي من نورك صبح خالي
وجرح فرگاك خلـّه هالجسد بالي
بغيابك يالحسن هم غابت آمالي
أموتن لو وكت ما شفتك إگبالي
ميّت إذا صار حجاب ---- ما بينك وما بيني
واشلون أدفنك وأنساك -- وياك خذني وياك
**************
من يوم الفتحت عيوني شاهدتك
مثل ظلـّك عشت وياك ما عفتك
ولا لحظة تمر وبيهه فارگتك
أچذ ّب روحي لو گالتلي ودّعتك
گلبي بغيابك ينعاب --- وجرح الفگد ياذيني
بيا حال من ودّعناك -- وياك خذني وياك
***************
أنا بسمّ الچبد هالليلة لو أدري
جرعته وبالگلب ياخوية خل يسري
ويريت السم صبح سيف وگطع نحري
وفداك يصير نحري ومهجتي وعمري
تالي المظن خوية خاب---- وأگضي بألم لسنيني
وگلبي بونينه ناداك -- وياك خذني وياك
****************
أصيح بلوعه وأشچي مصابي ياربي
حرت مكسور ظهري وأعثر بدربي
ومن ثگل الرزية عالارض أحبي
إذا مات الحسن يسكت نبض گلبي
عن عيني نورك من غاب ---- ميّت أنا شيحييني
أحيى وأعيشن بحماك -- وياك خذني وياك
****************
ليست هناك تعليقات:
إرسال تعليق