وحده لوردت وحده أســــــولفهن
أهمومي أهواي ما أكدر أعددهن
ــــــــــــــــــــ
اخاف اطيح أوتاد السما السبعه
اذا صوتي اخوي الكافل ايسمعه
راح أسكت وألكم تحجي الدمعه
ولحد للكفيل أجروحي يذكرهن
ـــــــــــــــــــــــ
لتكلوله أخــــتك مشـــــت مسـبيه
صدك مذبـــوح لاجن لوسمع بيه
يتمنه يكــــــــــــــوم ويعتني ليه
ودري اجفوفه عالزندين شيردهن
ــــــــــــــــــــــ
تعذورني يشيعه لا تنشدوني
بس أقسم عليكم من تذكروني
للعـــباس لتذكرونهه أمتوني
المن سوطه الشمر ياناس ورمهن
ــــــــــــــــــــــــــــ
مين أبدي وشـرح همي ياهالناس
خافاً بالحجي أجرح أبوالنــوماس
مايسـكت أعرفه لوسمـــع عـباس
وياموت اليحجبه كون يسمعهن
ـــــــــــــــــــــــ
ويسولف حرمله الطرواه ياذينه
جنت رايد أبقوسي أرمي أجبينه
رفع راسـه وتلكى سهمي ابعينه
حتى لايشــوف الحرم لوعتهن
ــــــــــــــــــــــــ
عمى اعيونه حتى مايشاهدني
حكي لون أسكت خاف يسمعني
أخوي ابغيرته ابحيدر يذكرني
أجروحه أعيون لمن عالنهر صبهن
ــــــــــــــــــــــــــــ
أنه من كصدته وعيني دم تسجب
أودعك جيت كتله مااجــيت أعتب
غيور وبالمواقف أعتذر شحسب
أجفوفه اعله النهر عالماي كطعهن
ـــــــــــــــــــــــــ
جبار البطاط
ليست هناك تعليقات:
إرسال تعليق