أميــــر الشهيـــداء * مسلـــوب الــــرداء
مـﮔطــوع الوتيــــن * مـــولا يـا حُسيـــن
ــــــــــــــــــــــــــــــــــــــــــ
كـل ﮔطـره بدمـانـه تلهـج بأسمـك * يالي توضـت سيوف العده بدمــك
صَلـّت عالجروح النامت بجسمـك * سِجـدَت يـا حسيــن أتقبـل بجـدمـك
ورمـاح الحتــوف * يـم جسمك تطوف
يبــن الطيبيـــــــن * مـــولا يـا حُسيـــن
ـــــــــــــــــــــــــــــــــــــــ
نايم عالثـره ومـﮔطعـه أوصالـك * متـوسط السهـم يحسين دلالـــــــك
والزهـره تنـوح وتنظـر الحالـك * بيـك أتحِيِّـر لو تحتــار بعيالـــــــك
محنيِّـه الضلـــوع * دم تجري الدمـوع
أم ﮔلــب الحَنيـــن * مـــولا يـا حُسيـــن
ـــــــــــــــــــــــــــــ
زينب يا حُسين أسمع بواﭼيهـا * تتـأمـل تــرد ألـهـا وتحـــاﭼيهـــا
تتطوى السياط وتنـزل أعليهـا * لا يمهـا الكفيـل ولـَنتـه تحميهــــا
من روس الحـراب * وسيـاط المصــاب
تشـﮔـف بـالأديــــن * مـــولا يـا حُسيـــن
ـــــــــــــــــــــــــــــــ
يحسين وعليلك أسمـع ونينــه * ما بَطل أنيـــن وصَب دمع عينه
بسروج الأبل ضل يضرب جبينه * وينـادي مصابــك بـويــه مـاذينـه
مـالــوم ويصيـــح * بـويــه يـالــذبيـــح
دَم يجـري الجبيـن * مـــولا يـا حُسيـــن
ـــــــــــــــــــــــــــــــــــ
هَمهَـم يا أمامـي بلوعـه ميمونـــك * من شاف العـده رادو يذبحونــك
من شافـك ذبيـح مغمض عيـــوك * رَد مخزي السرج للخيم من دونـك
لـَطـَخ بـالـــدمـــاء * نـاصِيّتــه بوفــــاء
ضل يصهل حزين * مـــولا يـا حُسيـــن
ـــــــــــــــــــــــــــــــــــ
بيا حالـة رقيـه الموقـف يألــم * كل ساعه بمصابك يالولي تحلــم
شافت راسك ونامت عليه وتشم * شبـﮔتـه بــﮔلب مـالـــــوم و وَرم
شبـﮔتـه بهيــــام * مـاتــت يــالأمـــام
من هَــم الأنيــن * مـــولا يـا حُسيـــن
ــــــــــــــــــــــــــــــــــــــ
وسكينه التـﮔبعت يالولي بهمها * يِّشتمها العـدو وبشـَتـمه يالمهـا
يا وَسفه الدهـر لعـداك سَلمهـا * لا أنـتَ التشكيهــا ولا عمهـــا
محـزونـه الدليــل * والمـدمـع يسيــــل
دم عـالـوجنتيـــن * مـــولا يـا حُسيـــن
ـــــــــــــــــــــــــــــــــــــــ
ويلي ورَمله تصرخ آيجسامي * يا حلمي الـﭼبير وأحلى أحلامـي
كل ما أذكرك متطبـر دامـــي * ليلة حِنتـك ألطــم علـى هـامــــي
محـزوز الوَريــد * إويَّ حسيـن الشهيـد
يا تعـب السنيـــن * مـــولا يـا حُسيـــن
ــــــــــــــــــــــــــــــــــــ
ليله تصيح وينك يبني يالأكبـر * يبني علـيـك نيران الـﮔلب تسعر
من شفتك ذبيح وجسمك مطبـر * ما أنسه الطفوف وليدي والمنظر
ﮔلي شلون أهيــد * يوليـدي الوحيــــد
يالـﭼنت المُعيــن * مـــولا يـا حُسيـــن
ــــــــــــــــــــــــــــــــــــ
وأم عباس تصرخ أسمع ونينـي * يالضحيت ألـك يالغالي ببنينــي
سالم كون ﮔلت حسين يلفيــــي * لاﭼن خاب ظني يا بَعـد عينــي
وبــدمـع العيـــون * تتلـﮔــه الضعـــون
هــــاي أم البنيــن * مـــولا يـا حُسيـــن
ليست هناك تعليقات:
إرسال تعليق