ربيتك يعمي وعيني بعينك
اتنطر لعرسك واحسب سنينك
تاليهه يجاسم اسمع ونينك
واشوفن دايرة بشخصك الخياله
عبالي اعرسك وافرح بزفتك
واحني جفوف الاكبر يبني بحنتك
تاليهه الرمل يرويحتي منصتك
والملبس دموع اهلك الهماله
يا شمامتي البيها الكلب يرتاح
يا ماي الحياتي الي تبدى وراح
هلاهل زفتك صارت لطم وصياح
وفرح عرسك حزن و بيادب دياله
وين الفاقدة الشبان وين الضايكة اللوعه
هاي ام جاسم العريس عالعريس مفجوعه
وين الفاكدة الشبان خ لوياي تتعنه
لم جاسم نريد نروح ونساعدها على الونه
ونرد لحوفة العريس ونجيب لحوفته حنه
ونلكة ام الشباب تجول على ابنها والعقل مهول
تنعى على الولد وتكول يشمامه
لكينه ام الشباب تجول وكمنه نجول وياهه
ام وفاكدة على النوح ما يحتاج ننخاهه
ولكينه شمعة العريس مطفيه وعلكناها
شدينة للطم والنوح بحسرة والكلب مجروح
وشفنه جثة العريس سهام ونبل مزروعه
بين اللطم والصايح بين الدمع والحسرة
لفتهن عمة العريس زينب شابجة العشرة
لكت شمع العرس ضاوي ونادت لكن بحسرة
شنهي الشمع وية البين احنه وعرس جاسم وين
لا يسمع اخوي حسين ومن يسمع يجي بسرعه يطفي الشمع بدموعه
___________
للاستماع اضغط هنا
https://soundcloud.com/habt-al-ruman/waqasemah
اخي مصطفى موسى قصيدة وين الفاقدة الشبان اعجبتني ولكن العبد الفقير اضاف بعض الابيات واليك الاضافة مع العذر منك
ردحذفوين الفاقدة الشبان وين الضايقة اللوعه هاي ام جاسم العريس على العريس مفجوعه
قوموا يا نساء يرجال الى كربلاء نتعنى نبني حوفة الجاسم مثل ما عمه اتمنى
ونزف جاسم بدمع العين وكل منا يودعنه وناخذ من دما راسه خضاب وكلنا نتحنى
وين الفاقدة الشبان خل ويانا تتعنى الى ام جاسم نريد نروح ونساعدها على الونه
وصلنا وشفنا امه تجول منها الفكر مذهول وتريدن تعلق اشموعه
لقينا ام الشباب تجول وقمنا نجول وياها ام وفاقدة اعلى النوح ما يحتاج ننخاها
ولقينا شمعة العريس مطفيه وعلقناها وامه تلطم الهامه والى الله تبدي شكواها
ضجة بالخيم صارت وعلى جثته الحرم دارت لقوها اسهام مزروعه
بين اللطم والصايح ويا الدمع والحسرة لفتنا عمة العريس زينب شابجة العشرة
لقت شمع العرس ضاوي ونادت ويلي ابزفرة جيف الشمع ويا البين حيرني الولد بأمره
لا يشوف الشمع لحسين منه يهل دمع العين وبدمعه يطفي اشموعه
زينب تلطم الهامة واتهل الدمع ساجم ورملة تنادي يوليدي عفتك بالترب نايم
وليلى تحن على الاكبرونوب تحن على الجاسم واما ام الرضيع تنوح وتنحب والقلب هايم
وسكنة ما بقى لها حيل تبجي والدموع تسيل والسجاد بس يتزفر بلوعه
قلي حسين حاله شلون حين لشال ذاك الشاب حط صدره بصدرجاسم ورجلينه تخط لتراب
وصد بطرفه للحومة ينخي جملة الاصحاب ونوب لعلقمي داره لخيه والدمع سكاب
منه الجبد مألومة وجاب الشاب من الحومة وبخده تجري ادموعه
توجه للمدينة وصاح لخوه الحسن ويقله عرس جاسم بلطفوف ما جيت وتبارك له
يمشي جنه غصن البان وعين العدى ترصد له خضبوه من دماء راسه والزان شموع علقت له
شرقوا هامته بالسيف يولي خذوا منه الحيف وتثنى الرمح بضلوعه
احسنتم مأجورين
حذفاخوان بدون زحمه أو زعل لازم من نكتب قصيده بحق مصاب الحسين. وأهله نعرف القصه زين لأن القاسم كان صغير العمر مووكت زواجه وسكنه ماجانت مخطوبه إله حتى ولو بالكلام يعني موضوع زواج القاسم بن الحسن من سكينه موضوع مااله وجود مجرد لسان حال أمه تنعى على ولدها لأنها ماشافته عريس قصيده جميله فقط يريد القليل من التعديل ارجو ان ماكون جرحت احد منكم وشكرا
حذفالابيات تصور حال كل ام وامنيتها تعرس ولدها وتفرح بعرسه
ردحذفواظهار بعض مراسيم العرس في كربلاء في يوم عاشوراء ماهي الا للتفجع لمواساة قلب
كل ام فاقده شباب في الدنيا مصاب القاسم هو سلوتها
@Unknown27
ردحذفهذا كلامك رأي شخصي لو عندك استدلال