يزينب هاي اخر ساعه وياچ_ابولقاء البهادلي

تكبر يالعقـــيله بعدي بلواچ
يزينب هاي اخر ساعه وياچ
مدري منين ابدي ** محنه صعبه بعدي
يزينب هاي اخر ساعه وياچ
*********
ادري مو قليله ** يختي هالمصيبه
مو هينه عليه ** بعدي انتي غريبه
تمر بيج النوايب ** وايامج رهيبه
ادري بيج گدهه ** واعرفنج نجيبه
انتي عالمه وحره ورشيده ** والاحزان عندج موجديده
يختي بيش اوصفج ** مثل امي اعرفج
يزينب هاي اخر ساعه وياج
************
تدني يختي مني ** يزيــنب ارد احاجيج
اعلم بيج وادري ** صلبه وشامخه ادريج
يختي اول وصيه ** بخدرج انّه اوصيج
انتي اطهر اميره ** تحملين اليمربـــــــيج
يابنت الاصاله وبنت الاطياب * يااية صبر ياتاج الاحجاب
بالرايه اوصيج ** يختي هيه تحميج
يزينب هاي اخر ساعه وياج
***********
يختي لجل هالدين ** نوهبله عمرنه
اريدنج تصــــبرين ** يااّية صـــــبرنه
حكمه وبيهه تدرين ** مذكوره بخبرنه
عنج لو مــــــشينه ** ترضــين بقدرنه
اعرفج صابره يختي وكريمه ** بعد ساعهتشوفين الجريمه
جسمي ينملي جروح ** ها النخر مذبوح
يزينب هاي اخر ساعه وياج
_________
بهذا القدر موعود ** واليجري علينه
كلشي يجره ويصير ** اخبرني نبينه
وصاني وصـــيه ** نصون بدمنه دينه
كل احنه يزينب ** وقعـــــنه ورضينه
رضينه بحكمة الباري وقبلنه ** ذبح وسموم مكتوبه اعله اهلنه
قربان العقيده ** اياته المجيده
يزينب هاي اخر ساعه وياج
********************
بالســـــــــــــجاد اوصيج ** ياام الشهامه
يختي بعلته اسرار ** مضمومه وعــلامه
من عنده يزينب ** انوار الامـــــــــــــامه
مذهبنه يصــــونه ** يحـــــــــــميه بكرامه
تسندينه وتباريه ** تصبرينه وتداريه
يزينب هاي اخر ساعه وياج
*************
اوصيــج بعيالي ** محـــــد بكه الهُــم
شملهم انتي لميه ** يختي صيري ظلهم
ماواحد يحمله ** صــعب كلـش حملهم
طاحت كل زلمهم ** راح اللي كفـــلهم
جم طفله ويتيم وهالارمل ** علهزل تروح بلا محامل
واصعب هالمصايب ** يكيدونج الاجانب
يزينب هاي اخر ساعه وياج
ــــــــــــــ