الأربعاء، 13 نوفمبر 2013

طول ياليل_علي العابدي النجفي


طوّل ياليل لاترحــــل .. طوّل ياليل
اترجاك اعلينه اتمــهّل طوّل ياليل
باجر ولياني يخلوني
ياليل الدمعات عيوني
لنيران وخيل لاترحل طول ياليل
٭٭٭٭٭٭٭٭٭٭
لاتسأل ياليل انجــــــــومك من يترجاك
هاي المحّد شايف ظـلـها بيا هم تنخاك
بضعة حيدر ذاك الـــردت لجله الافلاك
شلون وترضه بخدرالحـره يرحل وياك
ريض وارحم كَلبي اليلهب.. طــول ياليل
حيل ايريد النوح وزينب .. مهدومة حيل
ساعاتك تحدّي بأحزاني
وفجرك ياخذ كل ولياني
صبراً بيهم لاتتعــــــــــجّل .. طول ياليل
٭٭٭٭٭٭٭٭٭٭
بياهم ترحل وتخليني الجـــــــرح الايام
فجرك باب ويهشم ضلعي بهـــم الايتام
بدم الاكبر عتبة صبحــــك تنزف الالام
ونزف المغرب ياخذ لونه من دم جسام
شتتأمل باجر من ترجع؟ .. هم تلكَه اخوان!
من تعود علينه اتبـّـــــــــــع .. خيط الدخان
يدليك بنيـــران خيامي
ياليل وصيحات ايتامي
ياشده المنهن اتحمل .. طول يليل
٭٭٭٭٭٭٭٭٭٭
آنه وظلي وهم ايتـــــامي ونظرات الناس
يدي بخدري ودم أخواني جرح الاحساس
حيل منين يظل بروحـــــــــي الفظ الانفاس
لو طاحن باچر ياليــــــــــل چـفوف العباس
ياليل ولاتســـــأل عني .. عكَب الوفاي
تتبده امالي من عيونه .. مايجرن ماي
جربه وطاحت من متونه
ماي ويتبده مــــن جفونه
من بعده بياهم اتكفل .. طول ياليل
٭٭٭٭٭٭٭٭٭٭
لاتسال من ترجع لينـــه عن زينب وين
حين ادور عن العيـــله وعن زينب حين
وحين هناك بدمع الخــــوه تغسل الجفين
وحين تشاهد ظلي موسد يم جسم حسين
لاتنشد عن هام الوالي .. ياجـــرح الهام
فوك ارماح البين الغالي .. اخـذوه للشام
هم ودور خنصر جفه
أتغسل والــينه بنزفه
شنتامل بعده شنتامل .. طول ياليل

ليست هناك تعليقات:

إرسال تعليق