وصلت كربلا زينب ودمعها على الوجه سايل
ابو السجاد باليمنه وعلى اليسرة ابوفاضل
___________________
الي يومين يا خوية اذكرها بكلب مفجوع
ويوم الثالث بشعبان ويوم العاشر بعاشور
ملايك نزلت بمهدك واملاك السمة والحور
ملايك انزلت عندك تهني بجيتك جدك
وجبريل اليهز مهدك عكب ذاك الوضع لني
اشوفك عالثرة معفر
______________
اشوفك يوم من تبجي يهزك بالمهد جبريل
ويوم الثاني انظرلك على صدرك تدوس الخيل
مرمي بالثرة معفر ماحد يضمك عن وحوش اليل
ما واحد حضر يمك يغسل نزفك ودمك
ولا واحد وصل فيك يخوية من الشمس والحر
___________
اشوفك يوم يبن امي على صدر النبي جالس
ويوم الثاني انظرلك على صدرك شمر دايس
وريقك يا عديل الروح وسفه من العطش يابس
يخوية انذهل مني الراي بعد ما صدكت عيناي
تموت وهذا جاري الماي وكطرة ما ضكت منه وكلبك ضامي ومفطر
__________
اشوفك يوم يا خوية على جتف النبي محمول
واشوفك يوم برض الشام راسك عالرمح مشيول
واشوفك يوم من نحرك يقبلك جدي المرسول
واشوفك يوم جتالك في نفس النحر هبر
______________
اشوفك يوم لن جدي على خدودك ثنى خدودة
وعلى خدودك اشوف بيوم يزيد يضربك بعودة
واشوفك يوم بشفافك يقبلك طه وبزودة
ويوم الي الطشت شفته راسك تنضرب شفته
ومن كثر الضرب يا خوي انظر سنك مكسر
___________
****************
جينا هاليوم كلنا نصرخ آيزينب
__________
هذي الطفوف زينب تلاقي المصايب
هذي الطفوف بيها تتهاوى الحبايب
هذي الطفوف بيها هلها تتوسد ترايب
بوية حيدر هذي ارض الغاضريه
بوية حيدر ترض اخوية الاعوجيه
بوية حيدر يسيروا بنتك سبيه
________
يابوفاضل لهالارض لا تنزلوني
يابوفاضل خوفي فيها تضيعوني
يابوفاضل تروحوا عني وتتركوني
تضيعوني ابتلي بنسوان واطفال
تضيعوني اركب المهزولة باي حال
تضيعوني بركبتي ومجتوفة الاحبال
___________
يزينب يابس من العطش جبدي
يزينب وذايب من الشمس خدي
يزينب والتراب احركلي زندي
ردي يبعد الروح ردي
ومعصم براسج يبعد الروح شدي
ليست هناك تعليقات:
إرسال تعليق