الأحد، 24 نوفمبر 2013

هـــــذي وصيــــــــتي_ابولقاء البهادلي

هذي وصيتي الج تـــــــــشرحلج الغايه
بصبرج يزينب تظل مرفوعه هالرايه
خلي انتوادع يزينب ضمي دمعاتج
ادري بعذابج يخيتي كله واهــاتج
هـــــذي وصيــــــــتي
***************
وحگ ربنه الجليل الواحـــد الجبار
وحگ المصطفه جدي النبي المختار
وحگ ضلع البتول وطبرة الــــكرار
وحگ چبد الحسن والحمزه والطيار
وحگ اية بره وياسين والاطهــــــار
كلشي مقدر ومكتوب كل الصــــــار
اقسم وحگچ يزينـــب ادري بالجاري
ولدي واخوتي ذبح يرحون وانصاري
لازم تحملين يزينب واخفي حسراتج
ادري بعـــــذابج يخيتي كله واهاتج
هاذي وصيتي
****************
بعد هذا القســــــم يازينب الحـــره
احاچيج وجفوني تحبس العبــــــره
ولجلچ بالصدر متكســــره العبره
اوصيچ بعلـــي سر باقي للعتـــــره
تره بعلتـــه يزينب بيهه الف عبـره
واشد عله عليــه لو شافج ميســـره
لو رحتي للشام اريدچ صامده وصلبه
بعينچ تشوفين ظروفج مظلمه وصعبه
الله يصبرج يزينب كثره محناتج
ادري بعذابج يخيتي كله واهاتج
هاذي وصيتي
******************
اعرفج زين يختي بالصبر وايمـــــــان
مثل امي يزينب خيرة النســـــــــــوان
تذلين بشموخج والخدر عــــــــــــدوان
وتصدين ا ل اميه كلهه والطــــــــــــغيان
وصبرج يالعقيله للبشر عنـــــــــــوان
خبرني النبي بكل الجره والكـــــــــــان
وصاني حيدر اخبرج هاذي الحاله
وادري بغربتج يزينب غربه جتاله
ضمي دمعتج عليهم واخفي وناتج
ادري بعذابج يخيتي كله واهاتج
****************
يختي هالقدر واللي جره مقســــــــــوم
وكل هذا المصاب وكل وعد محتــــــوم
وبلــــــــــوح العرش دمي بختم مختوم
من عمري يزينب بــس بگه هاليــــــوم
لو تهجم عليكم بعدي هــــاذي الگــــوم
اوصيج بعيالــي وسكنه وام كلثــــــوم
لو شفتي نحري يزينب وي حرگ الاخيام
احمي بناتي وارامل عندي والايـــــــتام
خليهه تصبح سترهم ذني عبراتج
ادري بعذابج يخيتي كله واهاتج
هاذي وصيتي
**************
اريدج صامـــــــــده يابت علي الضرغام
تحمـــــلين الماسي والهضــــــــــم والام
بشموخج يالعقــــــــــــيله ذلي هالظلام
ويمج ال اميه اتصير كلهـــه اقــــــــــزام
ولابد ما تجـــي الســـاعه وتجـــي الايـــام
المهدي بطلعتــــه يحققلج الاحـــــــــــــلام
والمهدي لجلج يزينب ممتحن ويـــون
ضلع امي مرسوم تره بعيونه والمحسن
وشيعتنه تذكر يزينب دوم لوعاتج
ادري بعذابج يخيتي كله واهاتج
هاذي وصيتي

ليست هناك تعليقات:

إرسال تعليق