چـني اسمعت صوت الطفل ناداني و يكَلي يا يمّـــــــــــــــه السهم أذاني
***
بـعد ما مـــر على العيله وبعــــد ماشافته من ويل
غــــدت تتقاسم الــونـه مـــن جلجـــل عليـــها الليـل
أجت أم الرضيع تنوح وتبجي شمـــــا يشيل الحيل
أجت لم الحزن زينب والمدمـــــــــــع تطافح سيل
نادتها عبد الله أضـــــــــــن حاجاني چـني اسمعت صوت الطفل ناداني
***
بعد صوته تــرِس روحـــي اسمعه وچنه كلمني
و يكَلي يمّه شتحــــمل رضيع وسهـــمي ألـــمني
ليش ابمهدي وتعـــذب ومنــچ دهري يحــــرمني
ذبيــح ونحري عالغبرة وحــــر الحومه يلجـمني
ليش الدهر من المـــهد عـاداني چـني اسمعت صوت الطفل ناداني
***
حلم مدري صدكَ صوته حرت وحتارت ضنوني
يريت ويــه ابني عبد الله بكَبر واحـــــــد يدفنوني
لون اتمنه جيــــــــت الموت يزينب لا تـــــلوموني
رضيـع و ينذبح ظامي و تضل بحسرته عيـــوني
يا زينب وبيــــن الهضم واحزاني چـني اسمعت صوت الطفل ناداني
***
سمعت وليدي عبــــــد الله ينـــــاديني ييمّه الماي
ذبل كَلبي واحس يسعر جمر من العطش بحشاي
يزينب خلي اكَصـــــدله أروحن والمهد ويــــــاي
بقـــت بعيوني چـــــم دمعة عسن ينفع دمع عيناي
صوت أسمــعت وتغيرت ألواني چـني اسمعت صوت الطفل ناداني
***
يزينب لو رحت يمه وسهمه من النحــر شلتـه
تضنين الولد يرجــع و ارد بــحضني جــايبته
وسولفله عن فراكَه وعن ضيمي الي عاشرته
من حين الخذاه حسيــن والهالحظة ما شـفتــه
مشتاكَه وشتاكَت إله أحضاني چـني اسمعت صوت الطفل ناداني
***
يناديني وحنــين الــروح إلـــــــــه يا زينب يعتني
أصد خوف ورجال وخيل بليل الغربه حاطتــــني
ورغم كل هذا راح أمشي ولهفتي بكَلبي تاخـــذني
وانه ادري حسرتي أو نوحي وثكَل أحزاني لتردني
واعرف حنيني البالكَلب خلاني چـني اسمعت صوت الطفل ناداني
***
ليست هناك تعليقات:
إرسال تعليق