الثلاثاء، 26 نوفمبر 2013

يا علي السجاد_جابر النجفي

ياعلي السجاد نجريه الدمع == وإبمصابك كل موالي منفجع
ــــــــــــــــــــــــــ
وإبمصابك ياعلي يبن البتول == لازم إنعزيه هادينــــــه الرسول
ريت يامولاي نحظه بالقبول == ساعــة الميزان للحگ ينوضع
ــــــ
ساعة المحشر يحل يبن النبي == رايدك تشفــــــع يوالي يا أبي
نورك الزاهر أبد ما يختبي == يا أبو الباقر دعاءك ينسمع
ـــــ
يا أبو الباقر دعاءك منهلي == إنتَ يامولاي نبعه من علي
وإبذكر إسمك همومــــي تنجلي == لو ذكرتك باب صبري ينشلع
ـــ
لو ذكرتك من وگع دامي العميـــد == گلبي الولهان يبچـــي إو ما يهيد
من مصابك سيدي يبن الشهيــد == من صرت للثوره كوكبها اليشع
ـــ
من صرت للثوره عنوان إو علم == إرتقيت إبهمـّتك رغم الألــــــــــم
وإرتقت ويـّاك زينب ياأشــم == صرتوا للأحرار رايه ترتفع
ــــ
صرتوا للأحرار رايه ثايـــره == تلعن الأمـّه البغيضه الجايره
ما تزل للحگ تنادي إو سايـــره == ما تخاف الشر أبد ما تنخدع
ـــــ
ما تخاف الشر يبن خير البشر == فجـّـــرت بركان ما هاب الخطر
من صحت وإبمجلس إيزيـــد الأشر == آني ينبـــــــــوع الهدى الماينصدع
ـــ
إنتَ ينبوع الهدى يبن الأميــن == والدك حيدر علي الحبل المتين
أمـّك الزهراء أم الطيبيـــــــــــــن == والأبو إحسين الأبد ما ينصرع
ـــــ
والأبو إحسين البــِنــَه بالدم مجد == عالــــــــــــي بالأنوار لازم ينگصد
واليحبكم يارجانه ينسعــد == واليحاربكم رجاءه ينگطع
ــــ
واليحاربكم يضيع إو يندحـــــــــر == طالب الحگ ما يغيب إو ينتصر
واني أزورك من أروح إو أعتمر == يمــّك إيطيــــب العليل إو ينتفع
ـــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dld1j155566.mp3.html

ليست هناك تعليقات:

إرسال تعليق