خويه = خويه = ياكفيلي إشلون بيــّه
خويه = خويه = ياإبن حامي الحميـّـه
وحدي عفتوني إبــْغــُربتي === عزتـــــي تحبس حــَسـِرتي
ــــــــــــــــــــــــــــــــــــــــــ
ياأمل دنيـــــــاي وينـــــك == إنهض إو شوف المصايب
من بعد عباس عينك == إلــْمـَن إشكيله إو أعاتب
چـــان يضويلي جبينك == بالليالــــــي إو بالنوايـــــب
ماي أشرب من يمينـــــك == هــَســّه جودك طاح غايب
خويه = خويه = بالدمع أغسل جروحي
خويه = خويه = محـّد إيداويها روحـي
والعتب مــَيــْفيد ضايع === دمعـــــــي للدلاّل لاسع
خويه = خويه = أنــْخــَه بالزهره الزچيــّه
ـــــ
جودك الفيــّاض دامي == من وگع منـّك نخانــي
وَصــْلي للكافل سلامي == فگـده ألمنـي إو عماني
وأعتقد تسمع كلامي == ياورد جــَنــّة زماني
بس جبينك خويه دامي == والعمــــــــــد ريته رماني
خويه = خويه = دم سگت عيني دمعتـي
خويه = خويه = وين أشوفك يامـُهجتي
كلها تهتف ياولينــه === وين يسراه إو يمينه
خويه = خويه = ماترد هيهات ليــــــــّه
ـــــ
هاذي يسراك إو يمينــــك == بالبچــي والنوح ظــَلــّن
وإنتَ بارينه اليعينك == تسمع الچـفين يبچــن
وإنتَ ثابت دوم دينك == للظلـــــــم عباس تلعن
ما يذل يروي مـَعينــَك == والچـفــــوف إعليك يسعن
خويه = خويه = بالكرم معروف توفــــي
خويه = خويه = فدوه لــَك عباس شوفي
أعتذر ياخويه منـــــــــّك === ما رُفــَعت الضيم عنــّك
خويه = خويه = راحت أيـّامي الزهيــّـــه
ـــــ
ما نريد الماي إرجع == خويـــه عبـــاس إنسبينه
بس نريد الصوت نسمع == صوتك البيــــه السكينـــــــه
نرتوي والنور يسطع == من جبينـــــــك ياولينه
والگلب يرتاح يهجـــــــع == من تجي إتخيــّم علينه
خويه =خويه = شوفتك تروي العطاشـه
خويه = خويه = ما تــِقــَصـّرإنتَ حاشه
ترفع الأحزان عنــّه === شوفتك ياحيد جــَنــّه
خويه == خويه = تــِحـْلــَه ويــّاك المنيــّه
ــــ
خابت إظنوني يوالـــــــي == من رجع مولاي وَحــْدَه
وإنشغل مشدوه بالي == لاگـــــت المظلوم شـدّه
ظلمه من بعده الليالي == والگمــــــر مـَيــْعوف حـَدّه
يستحي لو شاف حالي == والعــــذر عباس عنـــــــده
خويه = خويه = ليش ما جبته كفيلي
خويه = خويه = بالشدايد يعتنيلــــي
أدري بالعبــــاس غيرَه === ينتفض بدر العشيره
خويه = خويه = طــَوّل إغيابه عليــّه
ــــ
ما ترد أيــّام سعدي == من بعـــد عينك كفيلي
بالگلب نيران تسدي == يهتــــــــف إبحرگه يويلي
والألم أكوام عندي == ينتهي هيهـــات ليلي
آني روحي إو عيني أفدي == بس تجينـــــي إو تعتنيلـــــــي
خويه = خويه = لافرح بعدك يجينــــي
خويه = خويه = بالبچـي أشغلها عيني
ما يــُفارگ عيني رسمك === يشفـــــــــــــــي الدلاّل إسمك
خويه = خويه = ياأبو النفس الأبيــّـــه
ــــــــــــــــــــــــــــــــــــــــــــــــــ ـــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
ليست هناك تعليقات:
إرسال تعليق