يــَعـَمـّه يارُقيـــــّه__جابر النجفي

تزيدي النار بيــّه === يــَعـَمـّه يارُقيـــــّه
ــــــــــــــــــــــــــــــــــــــــــــــــــ ـــــــــــ
تزيدي النار بيـّه يايتيمـه == مصابي من حنينچ راح أجيمه
تسأليني يعمـّه بالهضيمـــــــــــه == أبويه وين يا عـَمـْتي الكريمه
بعد ما شوف ضيـّه === يــَعـَمـّه يارُقيـــــّه
ــــــ
زرعتي الشوگ ياعمـّه إبدليلي == أضل حيرانه ما ينزال ليلي
شجاوب ريت أطيافه تجيلي == ما أگــدر أگلــّچ راح ويلي
سبتني الغاضريـّه === يــَعـَمـّه يارُقيـــــّه
ــــــ
ألم بحشاي يچـوينـــــــي يـَعـَمـّه == تركت إحسين ينزف سيل دمـّه
تركته إو ما بعد نحره أشـِمـّه == يريــت إبلهفتي جسمه أضــُمـّه
جفاني إبن الزچيــّه === يــَعـَمـّه يارُقيـــــّه
ـــــ
تريدين الأبو واني إبحنيني == أحير إشلون أشرحلچ يعيني
يريت الموت ينهيها سنيني == ولاشوفـــچ يعمـّه إتسائليني
تظل روحي إبرزيـّه === يــَعـَمـّه يارُقيـــــّه
ـــــ
أبوچ إحسين سافر يانبعته == يعمــّه راح وإبعيــــــده سفرته
أبد مـَتْحين ياعمــّه رجعتــــه == عليچ أسمع يبنتي اليوم وَنـْتـَه
تركنه إو هاي هيـّه === يــَعـَمـّه يارُقيـــــّه
ـــ
يعمــّه لاتزيدي إهموم روحي == يظل للدوم ما ينشال نوحي
أبد مـَتـْطيب تنزف كل جروحي == أبـــــد ما أحتمل نوحچ يروحي
عساني بالمنيـــّه === يــَعـَمـّه يارُقيـــــّه
ــــــــــــــــــــــــــــــــــــــــــــــــــ ـــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.alshiaclubs.net/upload/do.php?id=5442