بقيت محيرة واصفق باليدين لاعباس يبرالي ولا حسين
عذبني زماني وبغربة رماني
________
بقيت محيرة وشلون بيه غريبة بلا ولي بهذي المسية
واخوتي مذبحين على الوطية ويتامه مطشرة ما بين نارين
________
صحت يحسين قوم بفزعة لختك ولوني عداك يا خوية على بختك
ولو من عالمهر من طحت شفتك لجن المن ادير الوجه لاوين
________
شفته من بعيد ومالي كوة اوصل ليه واكولن هذا هوة
عرفت حسين من ريحة الخوة وصحت يبن امي ويلي عليك يحسين
_________
شفت جرحك يخوية وشفت نحرك واشوف الخيل داست فوك صدرك
والمثلث بضع كلبك وظهرك بطل حيلي عليك وزاد الونين
_________
وين الهادي جدي اليوم يحضر ويشوف حسين عالغبرة توذر
ذبيح مسلب وصدرة تكسر وريته يشوفنه سيد الكونين
________
اودعكم يخوتي وامشي عنكم وعلى خد الثرى ظلت جثثكم
وصار الشمر حداي بضعنكم واخذني ميسرة بوسط الدواوين
____________
للاستماع اضغط هنا
ليست هناك تعليقات:
إرسال تعليق