طلعت من كبرها لازمة الضلعين
كصدت للشريعة والكلب نصين
لمن وكع كافل زينب على الكاع
ضجت واعتنتله لازمة الاضلاع
تصيح انكسر ظهرك يالولد هالساع
تضيع وما الك لا ناصر ولا معين
تون وتناشدة بحسرة انه الزهرة يضي عيني انه الزهرة
انه جيت ارفعة لجسمك من على الغبرة
واداوي جروحك وانزع سهم بالعين
خالراسك يبعد امك وسط حجري
بسولفلك جرح بسمار في صدري
ثمنطعشر سنة واهديك من عمري
الك ضلعيني تفدي شمالك واليمين
الك منزلة بكلبي محد وصلها
زينب بلله انشدك ياهو يكفلها
وم غيرك يعدل ليها محملها
تظل تستر وجهه عكبك باليدين
من يحمي بناتي من الالم والهم
وهذا بن سعد جيوشة ما ترحم
ولو شبوا النار بوسط المخيم
بالله تفاررن بعدك يروحن وين
قاللهه باسى وبجانبه راية
انه طبيت النهر بس ما ضكت ماية
عبدالله الرضيع الذوب احشاية
فت كلبي وفجعني ورحت صوب البين
ادري العصرة ما خلت الج همه
بس ادري الطفل غالي على كلب امه
لكن تدري عبدالله غالي على كلب عمه
وما مرت علينه مثل هاليوم
عذريني يزهرة لو كثر عتبي
كالت اعذرك ويسامحك كلبي
وانته اول ظلامة تصير عند ربي
امشي على الصراط وشايلة الجفين
ليست هناك تعليقات:
إرسال تعليق