الأربعاء، 6 نوفمبر 2013

يوليدي أَنَا الزهـره__ناصر الوسمي

بالحسره ..بالحسره
شِدْ ضعنك..للهجره
يوليدي أَنَا الزهـره
** ** **
أصْوات امْن الزّهره اللّيله
ايردّدهـا الْسَـان الآجال
تهتف واتـﮕـول ابحسرتها
واتحاﭼـي احسين ابهالحال
يوليـدي اتفطّـر دلاّلي
لحْـوالك والْمدمع سـال
مكتوب اعـليك ابهالدنيا
اتفارﮔـني ،واتشدّ ارحال
يمﮔـبري.. يمﮔـبري
باصرني يا ذُخـري
لنْ ﮔـلبي نفذ صبره
يوليدي أنَا الزهـره
** ** **
ﭼـنّ ابعيني وانا ابكَبري
أنظـر ضعنك يبني ايشيل
من بعْد اوداعـك للهادي
وادموعك عالخـد اتسيل
هَمْ جيت الكَبري اتودّعني
واتريد اتشِـدْ بيّه الحـيل
كل خطوه ابْمشْيَك يوليدي
روحي اعليك ابحسره اتميل
تهجـرني.. تهجـرني
وابلُوعه اتفارﮔـني
يالْعازم على المسره
يوليدي أنَا الزهـره
** ** **
امْسافر يبني وماخذ ﮔـلبي
بالسَّفْره وبالهجره اوْياك
وماخذ زينب ويّه اعيالك
أدري اتظلْ زينب بحماك
والعبـّاس اويـاك اتجـنّد
تسْلَمْ إيده وﭼـف يمناك
كلْ منكم ﭼـيدوم اتقدّم
لاﭼـن ادري ابجور اعداك
اتحـزّم.. اتحـزّم
لفراﮔـك واتألّم
مو بيدي جرَتْ عبره
يوليدي أنَا الزهـره
** ** **
من تُوصَل للطّفّ ابضعنك
يُوﮔـف مُهْرَك يا ﭼـيدوم
ما يرضى يمشي ابهالوادي
واتْبَدْلـه وﮔـلبك مالوم
تركب عشْره وما يحْتَرْكن
وهاذي الحكمه امْن القيّوم
تنشِد عنْ هَالأَرْض البيها
تتجارى ابحومتها ادمـوم
اتحسّـر ..اتحسّـر
لَوْضَاعك واتكدّر
من تُوصل لَرِضْ ﮔـفْره
يوليدي أنَا الزهـره
** ** **
تنشِد أصحـابك يوليدي
واللُّوعه ابـﮕـلبك نيران
اتـﮕـلّك هاي اطفوف وإلْها
أَسْماءِ اكثيره امْن ازمـان
شَطْ لِفْرات وَ عَقْر وتحمل
إسْم اتْعرفه امْـن الرحمان
كربلا اتـﮕـلّك يوليدي
لازم بيها اتحـطْ لضعان
ابهالوادي.. ابهالوادي
اتْظل وحدك واتنادي
يتجلّى صدى الثّوْره
يوليدي أنَا الزهـره
** ** **
هـاي اترابك يبني وبيها
تنـزِل بضعـونك يحسين
واخْيامك تنصبْها الأهْلك
وايْلُوحَنْ بحـذَاك البـين
أيّام اتْمُرْ يبـني ولَنّـك
تنظر أصحـابك صُوبين
كل منهم مصروع ابتُربه
وما تدري تـﮕـصد لاوين
تتوذّر .. تتوذّر
بالحُومه وتتعفّـر
وانته اتظل علَى الغبره
يوليدي أنَا الزهـره
ــــــــــــ
لخادم الإمام الحسين (ع) : ناصر الوسمي 

ليست هناك تعليقات:

إرسال تعليق