يــِسـَمـّوني السبيـــّه _جابر النجفي

يــِسـَمـّوني السبيـــّه === آنـــي الهاشميــــــــّه
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
زينب بت علي آني ...الأسيــــــــــره == ﭽنـــــت ويـّه إخوتي إبعزي أميره
مصايب مرّت إعليـــــــــّه ﭽثيره == زماني ما صـُفه إو ظهره يديره
مثل أمـّي الزﭽيـــــّه === آني الهاشميـّـــــــــــه
ــــــ
عفت روحي إبهضمها يم الحسين == مشيـــــت إو للقداسه شابحه العين
يراﻓﮓ ضعني راسه فادي الدين == ينظـــــــــر لليتامه إو لهفته إتبين
عفتهــا الغاضريـــّه === آني الهاشميـّـــــــــــه
ــ
عفت عباس لاﭽفيــّن لا راس == وشوفن بالشماته تنظر الناس
أدري بيه بالحسرات عبــــــــاس == ما يرضه أصـّير إبــّين الأرجاس
أشوفه إيشع حميــّه === آني الهاشميــــــــــــّه
ـــــ
حـِدَه الحادي إبـــْضـَعـَنـّه ياحبيبي == يخويـــه إحسين ما أنصف نصيبي
عفتكم عالثــره إﺑﮔلبي نحيبي == راﻓﮔـنــي الحزن وأصبح ربيبي
عفتكم عالوطيـــــــّه === آني الهاشميــــــــــــّه
ــــ
يخويه إحسين أسمعهم يسبــّون == أبـــــــوي المرتضه يانور العيون
يتاماي إبحقد أسود يضربون == خوارج يا أبو اليمـّه ﻳﮔولون
وظل أﺷﮔف بــِدَيـــّه === آني الهاشميـّـــــــــــه
ــــــ
على إبن إزياد دخلونه يوالي == حقيــــر إو مجرم إو ينظر لحالي
واجهت الظلم والراس عالي == ما ذلــّيت للطاغـــــــــي يغالي
أبد ما ذِل أبيــّـــــــه === آني الهاشميــّــــــــــه
ــــــ
يناديني النذل عباس وينـــــــه == صحت صاغ المجد يزهي جبينه
فدائي ثابت إو ما باع دينه == رسمـــــت خير يسراه إو يمينه
كفيلي إو نور ليــــّه === آني الهاشميـّـــــــــــه
ـــــــ
للشام الضعن يحديه حادي == مشوا بينه ﻳﮔودونه الأعادي
خلص صبري يبو الأكبر أنادي == تعــــــــال إو شوف محنتنه يهادي
ولوني الناصبيـــّـــه === آني الهاشميـّــــــــــه
ــــ
مجلس زمرة الشر من دخلته == فضحت إيزيد وأعوانه إو زمرته
دجلهم بالدلايل آني زلته == ظل إيزيد مهزوم إبحسرته
لسان أمـّي البهيـــّه === آني الهاشميـــــــــــّه
ـــ
كشف إبني الأبي شر النواصب == علــــــــــــي السجاد بالأعلام غالب
فضح كل مجرم إو دجـّال كاذب == باﻠﺣـــــــــــﮓ صار والينه يطالب
ضواه إيشع عليـــّه === آني الهاشميـــــــــــّه
ــــــ
رقيــّه يا إبن أمـّي عمتني == تســـأل وين أبوي إو حـَيـّيرتني
ﭽثيره إهموم من يوم العفتني == مـــــــــــــــرّت بالدليل إو صــّوّبتني
جــِرحتني رقيـــــّه === آني الهاشميــّــــــــــه
ــــ
على راسك مضت روح الحبيبه == رقيــــــــــّه إو هـَلـّت إعلينه مصيبه
عفتها إﺑﮔاع غربتها الغريبه == لا تتعتـــــــــب تره ﮔلبي تذيبه
تـِمـَنـّيت المنيـــــّه === آني الهاشميـــــــــــــّه
ــــــــــــــــــــــــــــــــــــــــــــــــــ ــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldeah63161.mp3.html