لوننشد ياجرح يهمنه
جرح السجاد يألمنه
**
ياكعبة احزان الهادي
جرحك طال وضل ينادي
مات الوالي ومات الحادي
ياكاع ويازركه اتلمنه
*
وعلتك هزت يوم المحشر
بطيحة جسامك والاكبر
وعبدالله المذبوح اتكنطر
والسهم مثلث يضرمنه
*
وعمك عباس يباريلك
عينه اعله الجربه ويسعيلك
مكطوعه اجفوفه يتجيلك
والعله بصدرك تهضمنه
*
جسمك يلمظلوم اتوزع
متوذر بأشفار اتكطع
والسجاد يهل المدمع
ومن دم دمعك يجري بدمنه
*
تنهض يلسجاد وتغشه
وعلتك تندب نحره ونعشه
سنينك صارت ليلة وحشه
ومن بعد احسين اتيتمنه
*
ولوعلهزل مر علمصرع
اركان الكونين اتصدع
تتشمت عدوانك تسمع
بغربه ولاواحد يرحمنه
*
ولو بلسم اتكطع جبدك
روجك عالي بجزره ومدك
ماخذ حلم احسين وجدك
بعلم المختار اتكلمنه
*
كبرك يلسجاد بغبره
بلا شباج ولالك حضره
شنواسي المظلومه الزهره
تسمع شكوانه اتحشمنه
*
لابد مهدي الامه ينصرك
نتبع امره ونشرح صدرك
نعلي القبه انشيد كبرك
وننصب رجوانه ومأتمنه
*
الحاج سامي الكعبي
محرم 1435
ليست هناك تعليقات:
إرسال تعليق