من اودعك-عدنان الحمامي

من اودعك -- من اودعك

فاطمه وصتني امك -- خويه خليني اشمك

---------------------------

يحسين الموادع صعب -- اخت وتودع اخوتها

مهيوبه بالاخوه الاخت -- همه شرف عزتها

لوراحوا الاخوه اشيظل -- بيمن بعد هيبتها

حگها عليهم لوبچت -- من دم تهل دمعتها

لو بديه -- لو بديه

بالگلب يحسين اظمك -- خويه خليني اشمك

---------------------

اتودعني رايد للحرب -- عگب النشامه الطيبين

لاناصر اوياك الذي -- اينصرك ولاظل امعين

متگلي صبر امنين الك -- اشعندك صبر خويه حسين

بالمصرع اگبالك جثث -- كل اخوتك متذبحين

عفيه صبرك -- عفيه صبرك

ايهمني يحسين اليهمك -- خويه خليني اشمك

--------------------------

يحسين هذي عيلتك -- تصرخ اوياها اطفالك

ونته نويت المصرعك -- اتودع تريد اعيالك

عاين رقيه تنتحب -- وسكنه ابدمعها اگبالك

ةعبد الله بعده بالمهد -- ينزف وغير حالك

ضحه گبلك -- ضحه گبلك

ابدمه رايد يفدي دمك -- خويه خليني اشمك

----------------------

سالم يبو اليمه تظل -- والشر عسن لايدناك

ياخويه ماعدهم رحم -- اعلينه يجورون اعداك

يبن امي غيرك من بقه -- عايله وظلت بحماك

من عگب عينك لا امل -- يحسين خيمه ردناك

ابعيني عبره -- ابعيني عبره

دمع العيون اليكلمك -- خويه خليني اشمك

------------------------

حزنت اعيوني ولابعد -- اتفارگ اعيوني الدمعه

من يهل مايطفي الجمر -- الگلبي الدمع شينفغه

ودعت ولياني ومشوا -- اتأملت منهم رجعه

والساعه صوت النايبه -- اعله حسين ناده انسمعه

اشلون اشوفه -- اشلون اشوفه

امن النحر لويجري دمك -- خويه خليني اشمك

----------------------

ودعها الحسين ومشه -- وزينب بگت محتاره

راح وبعد ماشافته -- انگطعت عليها اخباره

طاح الحسين ابمصرعه -- وشنت عليها الغاره

وعسكر المايرحم هجم -- ومحد يرد اخطاره

خويه صاحت -- خويه صاحت

ابليه راس اگبالي جسمك -- خويه خليني اشمك