حميده رادت إتشوفه === أبوها الراح للكوفه
ــــــــــــــــــــــــــــــ
تركها مسلم إبحيـــــــره == سفير إحسين إبو الغيره
حميده الوالهه إزغيره == وبوهـــــا فارگ الديره
ما عدها أبد غيـــرَه == يغطــّيها الولي إبخيره
فارگــها إو مشه عنها === تعيــش إبهمها وإبونها
إذا ليل الحزن جــَنــْها
تهيم إبشوفة إطيوفه === أبوهــا الراح للكوفه
ــ
تحلم بيه يرد ليها == يهنــّيهــــا إو يداريها
تلاگيه إبــّواچيها == تشكيلـــــــــــه لياليها
يحققــّها أمانيهـــــــــــــــا == يخاف إمن الهــَوَه إعليها
لكن طالت الغيبــــــــه === عليها حلــّت إمصيبه
گلبها غيبته إتذيبه
على ملگــاه ملهوفه === أبوها الراح للكوفه
ــ
حميده تحسب الأيـّام == يــوم إبيوم بالأحلام
سهرانه إو أبد مـَتـْنام == تتاني الوالد الضرغام
لكن هالحلـــــــــــم ما دام == مضه الوالي إبعزم وإقدام
وصل صوته لبو اليمـّه === سلــّم مسلــــــــم إبهمــّه
بلغ مجده إو نزف دمــّه
تهنـــّه إو فاز معروفه === أبوهـــــا الراح للكوفه
ـ
مسح راس اليتيمه إبهم == أبو اليمـّه إبدمع من دم
أبوچ آني أصير إو عم == يبويـــــــه ركني إتهــدّم
أبوچ الكـُل جـُرح بلسم == مسلـــــــــم ودّع الضيغم
عليه دمعي يصب همـّال === وإفراگـــه صعب چتــّال
جروحي نازفه وإثگـال
مسلم غاب مــَنــْْشوفه === أبوهـــــا الراح للكوفه
ـــ
حميده ظلــّت إبهمها == تنظـــُر للولي عمها
تريده إيگـول يــِعـْلمها == عــــن أخبار مسلمها
وإطيوفه تسالمها == آلامــــه تداهمها
حلمها عاش ويــّاهــا === تشوف الكوفه عيناها
بيها إيصير مثواها
جـُرحها مسلم إيروفه === أبوهــــا الراح للكوفه
ـــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldz8w25954.mp3.html
ليست هناك تعليقات:
إرسال تعليق