امشي يناكة بالعجل ارد اوصل حسيني
جني اشوف من الضعن قلبي سبق عيني
*****
يا ناكة امشي بالعجل ماريدن الراحة
قلبي على ابن امي انقطع يا ناكة سباحه
ارد اوصل واشبع بجي وارد اشبع نياحه
ومن نوصل لقبر الولي ياناكة نزليني
*****
شحجي يناكة من العمر شانسى من اريد انسى
عشت ويه الحسين العمر واتنفس بنفسه
بس هو سلوة دنيتي ماعندي كل ونسة
ولو ساعة من عيني اه شيسليني
*****
تدريني يا ناكة جنت وانا بحضن امي
شمافتحت عيني شفت عين اخوتي يمي
لاجن جنت بحسين احس يجري بنبض دمي
عشت العمروبكل نفس شاركني بسنيني
*****
يا ناكة من جنه جنت لمن فكدنه امنه
الله يحضن المرتضى من يكعد يلمنه
تتحسد املاك السمه من تجتمع يمنه
وانا بدلالي وهيبتي ياهي التباهيني
*****
ياناكة مديونه العمر ما ادري اسد يادين
من اذكر دلالي وهيبتي وآيا دلال حسين
وين انا يا ناكة جنت وهسه على ظهرج وين
ماشيت جتال اخوتي ومجتفة الايدين
*****
ليست هناك تعليقات:
إرسال تعليق