اشتم هوى الهاب واشمّن ريحة احبابي معقوله هاليوم عليه اتعود غيابي
ردوا بعد الغياب وجرح البيه ماطاب
--------------------------------------------------------
وحيده ابداري حين احبابي عافوني
اسهرت بس الدمع ظل غافي بعيوني
اذا لحظات اغـفـه ابـطـيــف يلفـوني
افزن بــس سراب امعاشـر اعـيــوني
عالباب اتاني عليله وتنطوي اظلوعي وابجي عليهم لحد ما شابت ادموعي
بعيوني الدمع شاب وجرح البيه ماطاب
--------------------------------------------------------
اصد لاحت ظعينه ولا ولي وياها
اطـفـال وحــرم والحــره تـرعـاها
عجب تمشي العقيله ابدون ولياها
وعجب عمي الكمر وحّدها خلاها
وصلوا واخوتي عددهم ما كمل بعده عبدالله وينه ادوّر ماهو ابمهده
شفت ابمهده نشاب وجرح البيه ماطاب
--------------------------------------------------------
اصد المهده خالي وموحش اخلافه
واتـخـيـل بـسـمـتـه ويـابسه اشفافه
عفه كلب الرباب ومنـذبـح شــافـه
وانه ابدمعاتي ارسم صورة اوصافه
ارسم حبيبي ايتبسم من يناغونه وبمهده يرسم خيالي امسلهمه اعيونه
غالي واغله الاحباب وجرح البيه ماطاب
--------------------------------------------------------
احس شوكي الرقيه الروح ماردها
وادوّر بـالمـحـامـل مــا اشـاهـدهـا
تجاوبني سـكيــنـه مـن انـاشـدهـا
بكت تبجي رقـيـه اتـريـد والدهـا
لمن سمعها يزيد و وده حراسه ماتت وابوها تشوفه بالطشت راسه
اتشوف الدم غده اخضاب وجرح البيه ماطاب
--------------------------------------------------------
شفت رمله وبديها طافيه الشمعه
يــم ليله ام الاكبـر كاعـده وتنعه
تـكللها ولـِدنــه مـا بـعـد رجـعـه
وحده اتواسي وحده ويجرن الدمعه
وآنه عالاكبر احس اكليبي يتكطع وابجي اعله جاسم وادري اشينفع المدمع
دمعي ما يرد شاب وجرح البيه ماطاب
--------------------------------------------------------
اشاهـد عمتي ذابــت مراسمها
وبلا كافلها تمشي وتنتجي ابهمها
كبـل عبـاس يمها والفــرح يمها
اذا عباس غـاب ايغيـب مبسمها
معقوله هايه العقيله امدللت حيدر معقوله ردت حزينه وللحزن مصدر
البضعة داحي الباب وجرح البيه ماطاب
-------------------------------------
انشد عن ابويه وبالكلب جمره
يكولولي طريح ومنكطع نحره
صدك عاري وثلثـــتيام عالغبره
صدك خيل آل اميه جالت ابصدره
انطر ظعنهم يعود وعوّد وجاني بس اليتامه اجاني ابدون ولياني
ظلوا فوك التراب وجرح البيه ماطاب
خادم اهل البيت عليهم السلام عمار العيساوي
ردوا بعد الغياب وجرح البيه ماطاب
--------------------------------------------------------
وحيده ابداري حين احبابي عافوني
اسهرت بس الدمع ظل غافي بعيوني
اذا لحظات اغـفـه ابـطـيــف يلفـوني
افزن بــس سراب امعاشـر اعـيــوني
عالباب اتاني عليله وتنطوي اظلوعي وابجي عليهم لحد ما شابت ادموعي
بعيوني الدمع شاب وجرح البيه ماطاب
--------------------------------------------------------
اصد لاحت ظعينه ولا ولي وياها
اطـفـال وحــرم والحــره تـرعـاها
عجب تمشي العقيله ابدون ولياها
وعجب عمي الكمر وحّدها خلاها
وصلوا واخوتي عددهم ما كمل بعده عبدالله وينه ادوّر ماهو ابمهده
شفت ابمهده نشاب وجرح البيه ماطاب
--------------------------------------------------------
اصد المهده خالي وموحش اخلافه
واتـخـيـل بـسـمـتـه ويـابسه اشفافه
عفه كلب الرباب ومنـذبـح شــافـه
وانه ابدمعاتي ارسم صورة اوصافه
ارسم حبيبي ايتبسم من يناغونه وبمهده يرسم خيالي امسلهمه اعيونه
غالي واغله الاحباب وجرح البيه ماطاب
--------------------------------------------------------
احس شوكي الرقيه الروح ماردها
وادوّر بـالمـحـامـل مــا اشـاهـدهـا
تجاوبني سـكيــنـه مـن انـاشـدهـا
بكت تبجي رقـيـه اتـريـد والدهـا
لمن سمعها يزيد و وده حراسه ماتت وابوها تشوفه بالطشت راسه
اتشوف الدم غده اخضاب وجرح البيه ماطاب
--------------------------------------------------------
شفت رمله وبديها طافيه الشمعه
يــم ليله ام الاكبـر كاعـده وتنعه
تـكللها ولـِدنــه مـا بـعـد رجـعـه
وحده اتواسي وحده ويجرن الدمعه
وآنه عالاكبر احس اكليبي يتكطع وابجي اعله جاسم وادري اشينفع المدمع
دمعي ما يرد شاب وجرح البيه ماطاب
--------------------------------------------------------
اشاهـد عمتي ذابــت مراسمها
وبلا كافلها تمشي وتنتجي ابهمها
كبـل عبـاس يمها والفــرح يمها
اذا عباس غـاب ايغيـب مبسمها
معقوله هايه العقيله امدللت حيدر معقوله ردت حزينه وللحزن مصدر
البضعة داحي الباب وجرح البيه ماطاب
-------------------------------------
انشد عن ابويه وبالكلب جمره
يكولولي طريح ومنكطع نحره
صدك عاري وثلثـــتيام عالغبره
صدك خيل آل اميه جالت ابصدره
انطر ظعنهم يعود وعوّد وجاني بس اليتامه اجاني ابدون ولياني
ظلوا فوك التراب وجرح البيه ماطاب
خادم اهل البيت عليهم السلام عمار العيساوي
ليست هناك تعليقات:
إرسال تعليق