حيلي انهدم وية الخيم وية الخيم طاح انشد صرت وين العلم وين العلم طاح
انساك هاي حجاية لجفوفك وللراية ممنونه اجي مشاية زينب غريبة
****
انا يا بوالفضل زينب اجيتك اشتكي همي
اول جلمة احجيها خوية احتركت خيّمي
شماعدنه احترك بيها سلب بس معصب لامي
كلت بي خوية اشد راسي لان عباس مو يمي
شصبر بعد ما ظل صبر ماظل صبر راح قدري انفكد وية الخدر وية الخدر راح
اهناك بين خيامي وتحيرت بايتامي لا كافل ولا حامي زينب غريبة
انساك هاي حجاية لجفوفك وللراية ممنونه اجي مشاية زينب غريبة
****
حجي بي مو عتب وياك وياك اليحجن جروحك
انا اختك واعرفك زين زينب اغلى من روحك
ومو غيره الضمير ينوح خفت لا دمعتي تلوحك
وتفزز جرحك الملجوم ويكثر نوحي وي نوحك
عندي بكت حسرة كلب حسرة كلب آه من ايدك لايد الغرب لايد الغرب آه
بعدك عمر ماريده وحدي اصبحت بالبيدة والشاطي خوية بعيده زينب غريبة
انساك هاي حجاية لجفوفك وللراية ممنونه اجي مشاية زينب غريبة
****
يخوية احتركت اخيامي اول ما خفة صوتك
وذكرتك وانا بين النار يعباس شكبر خوتك
اطفي خيامي بجفوفي واحلف النار بمروتك
حرمنه تصيح يا عباس عجيبة و سكتت خوتك
__دم ودمع دم ودمع سال وعمر الخيم مثل الشمع مثل الشمع صار
لا حامي ظل لا والي بالبر تضيع اطفالي ولا خيمة اجمع عيالي زينب غريبة
انساك هاي حجاية لجفوفك وللراية ممنونه اجي مشاية زينب غريبة
****
يا خوية الكدّرني واشد من حركة خيامي تدير عيونها على الجود لمن تركض ايتامي
وتعال وشوف يا عباس ضامي يصبر بضامي وانا بكل نفس باسمك اصيح بمدمعي الدامي
خوية العطش ما ينحمل ما ينحمل لا بيدي لزمت قلبي وخفت قلبي وخفت مات
كل الحرم عطشانه وكل طفل خشبة لسانه ووحدي شدبر انه زينب غريبة
انساك هاي حجاية لجفوفك وللراية ممنونه اجي مشاية زينب غريبة
****
اول ما طلع دربي ادور هيبتي الراحت
تلكاني غريب وصار ____
جلمه منه هظمتني ومصايب غربتي لاحت
من ناشدني انتِ منين نزل دمعتي وطاحت
كتله انا الي وماكملت ماكملت وين روح انشد الفارك اخت فارك اخت وين
ياهي انا ينشدوني والدمعه بين عيوني ولا جنهم يعرفوني زينب غريبة
انساك هاي حجاية لجفوفك وللراية ممنونه اجي مشاية زينب غريبة
****
لا انسة وقبل ماروح وي غربة وطريق بعيد
من اصعد على الناكة احطن ايدي بيا ايد
ضعن عندي وحرم وايتام واليضعن كفيل يريد
واليسأل اخوتج وين شكله ودمعتي تجري
وية الغرب ذاك الضعن ذاك الضن راح ستر الحرم لو ينسبه لو ينسبه ضاع
المن ادير بشوفي وانا الحبل بجفوفي يالماكو مثلك يوفي زينب غريبة
انساك هاي حجاية لجفوفك وللراية ممنونه اجي مشاية زينب غريبة
****
ليست هناك تعليقات:
إرسال تعليق