يا بِشر عوف الخبر لاتسولف عالنحر
انت بس جاوب سؤالي وين زينب
****
يا بِشر يا اهل يثرب لا تنادي بهالمحل
كلي وين القة العقيلة والقه وياها الاهل
من طلع ضعن الاودهم وانا لسه على الامل
خلي اشوف احباب قلبي وامسح الدمع النزل
كافي اهات وخطر كافي دمعات وسهر
دورت بين الليالي وين زينب
****
من اشوف بعيني زينب ارد أكد للقلب
يعني ماراحوا اهلهه ولا بكوا فوك الترب
زينب ادري بلا بوفاضل خطوة ما تمشي بدرب
كون ترجع كالاميرة للمدينة من تطب
من بعد ذاك السفر هالضعن وين استقر
واليمر بس على بالي وين زينب
****
طب ضعنهم بس نساء هذا مو ذاك الضعن
قلت يمكن مو وطنهم بس قلتها شو بجن
جاوبني مو وطنه عفنة عالغبرة الوطن
وهذي زينب ماهي زينب والزمن لا موزمن
زينب الكلهه فخر منها ما ضل اي اثر
كبالي لاجن مو كبالي وين زينب
****
ما اصدك هذي زينب والعقيله ام الخدر
جاوبتني ماني زينب هسه اني ام اليسر
شوفي فوك متوني باقي اثر من سوط الشمر
ولسه باقي باذني صوته شتم بامي شكثر
من صحت وين الكمر ضحك كلي على النهر
خوية كوم وشوف تالي وين زينب
****
يا بشر يا اهل يثرب كمل ابيات الحزن
لا مقام الكم يهلها حسين ظل بلا دفن
راسة يفتر ديره ديرة يقرة باحزان ويوّن
من كثر دمع المصيبة حكة لو مات الجفن
جان مكسور الظهر تالي هم صدرة انكسر
شاهد التل هسه خالي وين زينب
من شاعر هذه القصيدة
ردحذف