زينب نادت وعباس يسمعها
اجت متحيرة والخوف يدفعها
وصلت للكفيل وشاف مدمعها
بالراية وسيفة تلقاها اهلا يا زينب ناداها
تكله الخيل كربت والعدد يكثر
يمن بحماك اجيت وخاف تتعذر
دك صدرة بزعل واشتد شبل حيدر
والغيرة تهوس جدامة والموت يلاوذ بجدامه
طفح بحر الزعل وتبختر ويرعد
يكلها بشاربي وما اخلف الموعد
اخلي الروس عثرة ويوكع اليشرد
والتاهت سيفي يدليها
تكله شلون توصل والنهر ملزوم
عدد سبعين الف ومحاوطينه الكوم
يكلهه الماي اجيبة وداعة المظلوم
وينشال الشط ويه جروفة
غيرة عباس المعروفة
يكلها وداعتج مذخور لطفوفي
باجر ما يظل هالعسكر وشوفي
اذا يم الشريعة يطيحن جفوفي
بجفوفي عليج تعذريني
ومهشم راسي تشوفيني
اخوي الطاوعت شوره ورايه
تركني وطاحت احزاني وراية
جفوف منين اجيبنله وراية
وتلحك زينب الراحت سبية
مسرع يا دهر وياي متناي
يريت وية الكفيل اليوم متناي
اخبرك ازرك من السوط متناي
ما تنهض يليث الغاضرية
ربيتي وية الحزن والهم كفيلاج
وعجب بالضيق ما تنمد كفيلاج
يزينب وين ابو الغيرة كفيلاج
اشو وحدج يبت حامي الحمية
ليست هناك تعليقات:
إرسال تعليق