مو عتب انشد يوالي رايتك وين ودلالي
حركوا خيامي واجيتك طاحت عيوني ولقيتك
****
انا زينب يبو الغيرة واختك صار عنواني
وكبل لا تنولد عباس القبك حامي صيواني
وعليك اهلي يسالوني شتظن شيجاوب لساني
اكلهم انا اخت عباس واتباهى على خواني
يا فخر خدري ودلالي بس الك تحله الكفاله
وانا مهيوبة بحميتك طاحت عيوني ولقيتك
****
ببطن امك جنت وانا اتاني زيارتك بيا عين
يومية واجي اسأل شوكت يم الوفة تجيبين
ابوك محضر الراية وفصل جود اخوك حسين
وانا متانية من تصير اذب حجابي عالجفين
كبرت بجيتك فرحتي بمهدك وتاخذ يمنتي
وهلهلت باسمك ببيتك وطاحت عيوني لقيتك
****
اول ما كبر عودك كمت امشي وتماشيني
بكاع خيالي ما يكسر عليه تغار من عيني
وفيت الكربلا وياي بعهد البينك وبيني
ما ظنيت بالعاشر تودعني وتخليني
تدري من بعدك يغالي امشي ويبين خيالي
تغربت وشكد تنيتك طاحت عيوني ولقيتك
****
طاحت رايتك وانا ضعت وي طيحت الراية
وابد ما ظل على بالي خصمك يوصل لداري
ليست هناك تعليقات:
إرسال تعليق