اجيك من البقيع واكعد بكترك ابجي واظل بدموعي ارش قبرك
واذكر اخيتك زينب بذكرك وادك عليك صدري وضلعي الجمنه
دخيلك يا ابوفاضل ابوفاضل يا يمة
***
يعباس بعباتي امسح غبارك واقوم انكثها يايمة على زوارك
ازورن يمنتك يالولد ويسارك وبين بين اخوك النوح اجيمنه
دخيلك يا ابوفاضل ابوفاضل يا يمة
***
اتعنالكم كل ليلة الجمعة اشد عصابتي وامشي بحدر دمعة
احجي بنوحكم طول الدرب انعى وببين الحرم انا عزاي انصبنه
دخيلك يا ابوفاضل ابوفاضل يا يمة
***
انصب مجلسي وعليكم عيوني اعد لكن الوادم ما يسمعوني
اكل للناس انا ام عباس سموني انا العباس مثل حسين احسبنه
دخيلك يا ابوفاضل ابوفاضل يا يمة
***
انا جيتك ييمة على النهر شفتك احنيت الضلع وكعدت يم جثتك
ثلثتيام يا عباس ما عفتك وما بطلت يبني النوح والونة
دخيلك يا ابوفاضل ابوفاضل يا يمة
انا يمك من جنت من كمت تتكلب لمن شفت زينب عالهزل تركب
ماسورة وضعنها ويه الغرب غرب كفو ونعمين من خوتك يمجندل
دخيلك يا ابوفاضل ابوفاضل يا يمة
ليست هناك تعليقات:
إرسال تعليق