رايح للحرب شايل بيدك جروحي يوليدي علي
مو تدري صعب تعيش بلا علي روحي يوليدي علي
حياتي شتسوة من دونك اموت لدورت عيونك
يوليدي علي
*****
ما يحتاج افهمهه نظرتك بيها لحن وداع
شيل عيونك بعيني كافي لا تبجي الكاع
(("علي الاكبر مدنك راسه ما يكدر يشيل عيونه لابو"))
جمال عيونك تشوفه واخاف تمد عليك ذراع
السمه والكاع عاشكتك وتريدك تجيهه بساع
اغار من الشمس من تكشف معانيك يوليدي علي
الارض ليلة امس اريده تكلي غاليك يوليدي علي
وحيرة وية اليحبونك اموت بدورة عيونك
*****
جرب واكصد الحومة وصد يبني لسيوف عداك
تعاين صورتك بيها كلها تعاين المحياك
جمالك ذل غرور البيض ومتعجله لحمار دماك
شلون تريدني يبني اكلك امشي الله وياك
السيوف من الصبح تلمع صورتك بيها يوليدي علي
وخايف تنجرح عينك من تصد ليها يوليدي علي
بيديهم يشوفونك اموت بدورة عيونك
*****
امشي بس شرط عندي علي لا تفتح نقابك
الناس تغار يوليدي وتستعجل على صوابك
خايف يا علي تصير احلى دمه خضابك
جمالك من يلونه الدم اغيب بساعة غيابك
يبني تحيرت بحياتك احل لو موتك يوليدي علي
جاوبني شكلت لا تتعذر مروتك يوليدي علي
غصن وردة ويعرشونك اموت بدورة عيونك
ليست هناك تعليقات:
إرسال تعليق