يبني يبني لا تِفارگ عيني
وياك يابــــن فاطمه خليني
1
يا حسين الگلب يوگف لو تِروح
تفري بالدلاّل يالغالــــي الجروح
حالي بعدك ألطم وأبچــي وأنوح
وياك لرض الفاجعه وديني
يبني يبني لا تفـارگ عيني
2
اوياك اخذنـي هناك لرض الفاجعه
أرد اقــدِّم بيـــــــدي ولدي الأربعه
وارد اشوف اچفوف إبني امگطعه
فدوه لك عين الگمر حاچيني
يبني يبني لا تِفــــارگ عيني
3
فدوه لك عين الگمر يابن علي
يالذي ابملگــــاك كل هم ينجلي
لو رحت يالغالي منهو ايظل إلي
فراگ نـــورك يافخر ياذيني
يبني يبني لا تِفــــارگ عيني
4
يا عزيز الروح يا نســــل الكرام
فراگ نــــورك يبني ياذيني ظلام
وانسه بعدك لو غبـِت طعم المنام
ماكو غيرك يالوفي ايسليني
يبني يبني لا تِفــــارگ عيني
5
ماكو غيرك سلـوه يبني الروحي
لو غبـِـت ابگـــــه أسيره النوحي
بلسم اوجـــودك يـداوي اجروحي
بجاه دمعـــــة فاطمه داويني
يبني يبني لا تِفــــارگ عيني
6
بجاه دمعــــــــة فاطمه لا تبتعد
تدري فرگة وجنِتك تفري الچبد
لموتي ياخذني البُعُد يبني ويرد
شـلــِّي يبني ابغيبتك بسنيني
يبني يبني لا تِفــــارگ عيني
ليست هناك تعليقات:
إرسال تعليق