غيابك يبويه بيه تدري موتي ... وحيده وعليمن لونادى صوتي
عليله وقدرها .... غريبه بوطنها
وحيده وعليمن لونادى صوتي
ــــــــــــــــــــــــ
صوتي لو نده بس الصدى يجاوب ... وجفني ويه الوسن يابويه متحارب
ادور كل ركن بالدار يلغايب ... الكل ذكرى الكلب يسالها ويعاتب
بكل ذكرى دمعه تحفر وجنتي ... ولايمي والي ينشف دمعتي
دمعتي والمها .... غريبه بوطنها
وحيده وعليمن لونادى صوتي
ــــــــــــــــــــــــ
وحيده بوحدتي بس الالم سلواي ... غريبه لو نخيتك ياذخر نخواي
يبويه انته رجائي او عدتي ومنواي ... حلم جيتك صفت كل محنتي وبلواي
انادي وندائي ارحم غربتي ... ارسل ندائي توصله حسرتي
وحياتي املها .... غريبه بوطنها
وحيده وعليمن لونادى صوتي
ــــــــــــــــــــــــ
جنت بين اهلي شمعه الماتعرف الليل ... بنور اهلي اضوي اولادموع تسيل
بعدهم ذاب حالي بويه ماظل حيل ... ولومال الحمل من يعدل الي يميل
الحمل بالشدايد اهله التشيله ... عجب انه وحدي عفتني عليله
الجفوهها اهلها .... غريبه بوطنها
وحيده وعليمن لونادى صوتي
ــــــــــــــــــــــــ
يوجعني الهوى لوبيه مر مره ... بكل النسمه التمر يابويه الك ذكرى
النفس اصبح الم وسط الحشى يكره ... نار توجرت بالفركه مو جمره
شكلك يغالي يبويه بدموعي ... بغيابك حسرتي حنت ضلوعي
نحنت من شجنها ... غريبه بوطنها
وحيده وعليمن لونادى صوتي
ــــــــــــــــــــــــ
لوجلجل ظلام الليل يلوالي ... وحشة داري بويه توصف احوالي
يمين يسار اعاين ويتراوالي ... اشوفن نور وجهك شعشع كبالي
اهيم اعله شخصك شوكي اخذني ... او واقع خيالي بفشله يردني
الظنون اخشى منها... غريبه بوطنها
وحيده وعليمن لونادى صوتي
ــــــــــــــــــــــــ
بعد روحي الحزينه شظل امل عدها ... غريبه بوحشه ظلت راح والدها
عليله والمرض والاه يضهدها ... والامال راحت كلي شيردها
الروح الحزينه فشلها ظنها ... ترجع عليها تحلم اظنها
تتاني اجلها ... غريبه بوطنها
وحيده وعليمن لونادى صوتي
ــــــــــــــــــــــــ
ليست هناك تعليقات:
إرسال تعليق