راحوا استوحشتهم من مشوا ما ودعوني
راحوا ابكَه احسّب ها يجوني وما يجوني
هذا حالي وبالليالي
ابكَه احسّب ها يجوني وما يجوني
--------------------------------------
بانتظاري ويه داري اكَعد احجي وادري يتفهم شجوني
هوّ مثلي اشتاكَ لاهلي والله من يوم المشوا ما راسلوني
علكَت عيني ابدربهم وكَلبي واكَف بالدرب
كَمت الم اتراب اثرهم واكَعد اشتـم بالترب
حيل مشتاكَه الرقيه ابعـدد نبـضات الكَلب
اشتاكَة العبد الله روحي وبُعده اصعب من صعب
داري مثلي مشتاك ويحن وينتظرهم
داري امــل عنده بلكت ايبين خبرهم
داري خالي وبالليالي
ابكَه احسّب ها يجوني وما يجوني
--------------------------------------
فاركَتهم وانتظرهم ابّـــابــهـم اتـنـطـر ايـام وليـالي
والعذابي يبجي بابي وحته بيبان العكَد تبجي اعله حالي
ادخل الدار ابوحشتي خاليه ومــا بيها حــد
وآنه من عبدالله عندي ذكرى ظل بس المهد
اكَعد اتناغه اويه مهده واحلم اينـاغي الـولـد
وترسم ادموعي اعله خدي منذبح طير السعد
عيني اتخـيّـلت مـتـبـسـم وعطشان ثغره
عيني ترسما رموشي سهم وبجفني نحره
وشصفالي وبالليالي
ابكَه احسّب ها يجوني وما يجوني
--------------------------------------
من اصلي ادعي لاهلي اعيوني اغمضها واظل وياهم احلم
عيني ترصد لمن اتصد اطـفـال تـتـجـوه وتـطـفّـي بالمخـيـم
انظر اطفال الترافه حايره اتطفي اللهب
ابسوط تتلوع اشاهد هالبــراءه ابيا ذنـب
وحده ركضت للمعاره و وحده عالشاطي اتعتب
واصد ترجية رقيه مـن اذنها تـنـسـلب
ابجي عاليتامه الطاحت ابين الحوافر
ابجي عالجسوم الظلت ابلايه مناحر
الهم بجالي وبالليالي
ابكَه احسّب ها يجوني وما يجوني
--------------------------------------
من تسلهم عيني نرسم والدي يمي وتظل مسروره عيني
يصحه حلمي ماهو يمي افرش امصلايته وانطر يجيني
من صدى الحومه اجاني صوت مكًطوع الامل
واختنك بالعبره واشهك نِـفَـس بــي ريـحة اجــل
من وحي الاحزان اجاني وكَلي ايسي من الاهل
والـدج دلاله ضـامــي وجثته صارت وصـل
حالي امدوهنه وريت الخبر لو ما اجاني
حالي كاعـده ابخـيط الامـل اعـكَـد امـاني
من وحالي وبالليالي
ابكَه احسّب ها يجوني وما يجوني
--------------------------------------
من العواسل للمحامل كَد مسافة دمعتي مو كَد صفنتي
روحي عدهم فكري يمهم واسرح ابصفناتي ويّه اسكينه اختي
آنه وسكينه سويه نبجي عالراس ابرمح
اثنينه جرحين لاكن جرح ما يشبه جرح
جرح الفراكَ الذبحني وهيه جرح المنذبح
وآه يـا حـالـة سكـيـنه الما يوصفها شــرح
شافت صدر ابوها ينهشم بخيول اميه
شافت عله الراس اشلون من ماتت رقيه
يسهى بالي وبالليالي
ابكَه احسّب ها يجوني وما يجوني
--------------------------------------
خادم اهل البيت عليهم السلام عمار العيساوي
ليست هناك تعليقات:
إرسال تعليق