بالمدينه .. طفله حزينه _لؤي البغدادي

بالمدينه .. طفله حزينه 
تنادي يا حادي الضعن عود علينا 

قلنا يا حامي الضعون وداعت الله من مشيت
آنا يا حماي زينب للمصايب حسبيت

لجن يودعني أبوي ويمشي عني مادريت ؟!!
عقبه ياهو يحس دمعتي لو تذكرته وبجيت ؟

تقلها ليلى .. آه يالعليله
بيدي أحسن دمعتج لو عاودينا ..

****************

بالدموع الساجبه تودع الجفيل وعيلته
قلنا ماوصيك عمي ترد أبوي لطفلته

رايتك خلها أعلى أبوي ترفرف ورد وحشته
وأنت يا عباس معروف بحسامه وقوته

شلون أودعه ؟ وبعيونه دمعه !
وآنا قلبي بقلب أبوي معلقينه ..

****************

طفله ما يحمل قلبها حقها من تبجي وتنوح
لو رحل والدها عنها ياهو ليداوي الجروح ؟

شدو ضعون الرحيل وراية الجافل تلوح
شلون عنها ضعون أهلها تدير ناظرها وتروح؟

وبهضمها .. ودعها عمها
وداعت الله تقله يا حامي الضعينه ..

****************

باوعت لحسين أبوها شافت بعينه الدموع
وداعاها ودمعه يجري ودنق عليها بخضوع

تقله دمعاتك تقلي رايح ومامش رجوع
ساعه تنظر نحر أبوها وساعه تنظر للضلوع

تشوف أبوها .. من ودعوها
ودعوها بنوحه ودموعه وونينه ..

***************

رايت العباس رفت والدموع أتقاطرت
شافت النوق بضعنها تبعت الحادي وسرت

للمنيه ضعون أهلها ودعتها وقوطرت
ولتراب أجدام أبوها دنقت وأتعفرت

يالمحزنين .. لاوين ماشين ؟
قلٌها أبوها لرض لوداع أعتنينا ..

ــــــــــــــــــــــــــــــــــــــــــــــــــــــ

قصيده بالمدينه طفله حزينه ، للرادود الحسيني ( لؤي البغدادي )

http://www.youtube.com/watch?v=gIfS9lAd1wo