عليك بجاه داحي الباب يالحادي أحلفنك
وجدنا المصطفى الهادي يدافع بالحشر عنك
من كونك وفي ونشمي اطلب هالطلب منك
زينب آنا أخت حسين ساعدني أكلفنك
أريدك لو وصلنا الطف لبن أمي تودينا
ياحادي النوق نترجالك قبر حسين مر بينا
****************
أجيتج كربلا خطار بس هالليله ضيفيني
أنا ام الحزن زينب شو جنج نسيتيني ؟!!
أقعدي ويايي خلنا ننوح واعلى النوح عينيني
حسين بيا كتر قبره بالله عليج دليني ؟
أريد اقعد واسولف له لمصايب وش جرى علينا
ياحادي النوق نترجالك قبر حسين مر بينا
***************
هوت فوق القبر زينب ياويلي شلون حالتها ؟
مثل حل الفصيل تحد فسر الصخر ونتها
دم وتحفر الوجنات من تسيل دمعتها
عفاها شقد صبر عندها حرمه وفاقده خوتها ؟؟
بس بالحزن والونات عمرها خلصت سنينه
ياحادي النوق نترجالك قبر حسين مر بينا
****************
أخاف الجم جروحك لون أحجي الهضم ياحسين
ومن رد المهر خالي طلعنا نصيح مذعورين
علينا التمت العدوان خويا ودارت الصوبين
حرم وأيتام يابن أمي بعد ننطي الوجهه لاوين ؟
عقب عينك يابو السجاد جا ياهو اليحامينا
ياحادي النوق نترجالك قبر حسين مر بينا
***************
أنشدك بالله جاوبني وأسمع لوعتي ومبجاي
يابعد أختك لون بيدي أدفنك خويا حدر جناي
زيح تراب قبرك قوم أنحب يا عزيز وياي
أدري بقلبك العطشان وأقعد خل أشربك ماي
من بعد الغياب الطال ليك اليوم ردينا
ياحادي النوق نترجالك قبر حسين مر بينا
ليست هناك تعليقات:
إرسال تعليق